Popular Bible Verses from Xa̱bo̱ Galásia̱ 5

Share

Xómáꞌ tsí Xu̱u̱ꞌ Ana̱ꞌlóꞌ rá, naꞌnii̱ rí ma̱galóꞌ juꞌñúú xa̱bo̱, rí ma̱ꞌdxu a̱kia̱nꞌlóꞌ, rí ma̱juwalóꞌ tsímáá, rí ma̱ꞌngo̱o̱ a̱kia̱nꞌlóꞌ, rí ma̱ꞌne gamakuáanꞌlóꞌ, rí ma̱ꞌne májáan a̱kia̱nꞌlóꞌ, rí mu̱ꞌne̱-mbáníílóꞌ rí nuꞌthánlóꞌ, rí mu̱xrígú-mijnálóꞌ, jamí rí mu̱xúꞌne̱lóꞌ rí xkawe̱ꞌ nandoo xuyalóꞌ. Nda̱a̱ nimbá xtángoo rí naꞌthán rí ra̱máján rí mu̱ꞌne̱lóꞌ mbá xúgíí rúꞌkhue̱n.

Ikhaa jngó xáꞌnii i̱tha̱nꞌlaꞌ: Ga̱juwalaꞌ rí mu̱ne̱laꞌ rí nandoo Xu̱u̱ꞌ Ana̱ꞌlóꞌ, kajngó mu̱xúne̱laꞌ rí xkawe̱ꞌ nandoo xuyalaꞌ.

Numuu rí ga̱jma̱á numuu Xu̱u̱ꞌ Ana̱ꞌlóꞌ juwalóꞌ rí xúge̱ꞌ, ikhaa jngó jaꞌyoo rí mu̱ꞌgua̱-ru̱ꞌne̱lóꞌ rí nandoo Xu̱u̱ꞌ Ana̱ꞌlóꞌ mangaa.

Jamí tsí ñajúún xa̱bi̱i Krísto̱, nini̱i̱ máꞌ rí ma̱ja̱ñúu ná ixe̱ krúsi̱ mbá xúgíí inii rí xkawe̱ꞌ rí nandoo gáꞌne xuñúu̱.

Nakujma nguáná máꞌ mbu̱ꞌyáálóꞌ tsáa ñajuun tsí naꞌne rí nandoo xuyuu: tsí nabóo ga̱jma̱á xa̱bo̱ tsí táyáa, tsí nanújngoo-rámuu naꞌne rí xkawe̱ꞌ, tsí maphú mate̱ꞌ rí naꞌne, tsí naꞌne-mbi̱in tsí ra̱ꞌkháa Ana̱ꞌlóꞌ ñajúún, tsí naꞌne xawan, tsí gíꞌdiin sia̱nꞌ xa̱bo̱, tsí nakúxe̱ a̱ꞌwá, tsí naxíyu̱u̱ꞌ, tsí najiꞌnáa ga̱jma̱á numuu mbá xúgíí, tsí najiꞌnáa jaꞌñúú xa̱bo̱, tsí na̱tsa̱ñu̱u̱ꞌ gajmíí xa̱bo̱, tsí naꞌne rí mu̱xpi̱ꞌtha̱-mijná xa̱bo̱, tsí naxígu̱u̱ꞌ, tsí na̱gu̱díin xa̱bo̱, tsí najnga̱a̱, tsí naꞌne ndxa̱a̱ numuu rí ma̱ꞌne rí xkawe̱ꞌ na̱nda̱ꞌa̱ xuyuu, jamí i̱ꞌwá rí xkuaꞌnii máꞌ xkawe̱ꞌ. Na̱tha̱nꞌlaꞌ mbu̱júꞌ, xómá ni̱tha̱nꞌlaꞌ nákhí xúꞌkhue̱n, tsí nune̱ máꞌ xúꞌkhue̱n rí xkawe̱ꞌ, nda̱a̱ rí gájanúu̱ ná naꞌthán-ñájun Ana̱ꞌlóꞌ.

Xómáꞌ ikháanꞌlaꞌ rá, a̱ngui̱nꞌ, tándxaꞌwálaꞌ Ana̱ꞌlóꞌ rí mi̱ꞌthán-ñájwanlaꞌ gáꞌne xtángoo. Ra̱ꞌkhá rúꞌkhue̱n iꞌthán rí ma̱goo mu̱ne̱laꞌ asndo wátha̱ inii rí xkawe̱ꞌ rí nandoo gáꞌne xuyalaꞌ. A̱ꞌkhue̱n gakon, gu̱ne̱-mba̱a̱-mijnálaꞌ kajngó ma̱kujma rí nandalaꞌ ju̱ya̱-mijnálaꞌ.

Numuu rí xuyalóꞌ na̱tsa̱ñu̱u̱ꞌ ga̱jmáa̱ Xu̱u̱ꞌ Ana̱ꞌlóꞌ. Xúꞌkhue̱n máꞌ Xu̱u̱ꞌ Ana̱ꞌlóꞌ na̱tsa̱ñu̱u̱ꞌ ga̱jmáa̱ xuyalóꞌ. Mbá nájmii̱ nawajún-ꞌthu̱n-mijnée̱, kajngó mu̱xúne̱laꞌ rí nandalaꞌ.

Numuu rí mbá xúgíí xtángoo na̱gu̱ma-mbáníí ne̱ ga̱jma̱á numuu mbóó xtángoo ríge̱ꞌ: «Ga̱gaaꞌ xtayáá xa̱bo̱ numbaa ga̱jma̱a̱ꞌ xómá rí nandaaꞌ xtaya-mina̱ꞌ ikháánꞌ».

Ma̱xáju̱ma̱ꞌlóꞌ rí ikháánꞌlóꞌ phú i̱tha̱án gíꞌdoo numalóꞌ xó rí i̱ꞌwíin, mu̱xúꞌne̱lóꞌ rí ma̱jiꞌnáaꞌlóꞌ juꞌya-mijnálóꞌ, ni máꞌ ma̱xáxígua̱ꞌlóꞌ juꞌya-mijnálóꞌ.

Krísto̱ neꞌne-jáwiáanꞌlóꞌ kajngó náxánindxa̱ꞌlóꞌ yumbáá tsí waꞌtsi̱in. Ikhaa jngó, ga̱wajún-gúkuálaꞌ jamí mu̱xúni̱ꞌñá-mijnálaꞌ rí ma̱nindxa̱ꞌlaꞌ mbu̱júꞌ yumbáá tsí ni̱tsu̱mii rí mune̱-mbáníí rí naꞌthán xtángoo.