Popular Bible Verses from Xa̱bo̱ Galásia̱ 6

Share

Ma̱xáꞌne níꞌnga̱ꞌlóꞌ rí mu̱ꞌne̱lóꞌ rí máján. Numuu rí ído̱ ága̱nú mbiꞌi, mbu̱ꞌyáálóꞌ rí máján, xí tsíꞌne níꞌnga̱ꞌlóꞌ.

Ikhaa jngó, jámba̱ miꞌtsú rí ma̱goo mu̱ꞌne̱lóꞌ, gu̱ꞌñu̱úlóꞌ rí máján mbá xúgíin xa̱bo̱, jamí i̱tha̱án máꞌ gu̱ꞌñu̱úlóꞌ rí máján a̱ngia̱nꞌlóꞌ tsí nanimba̱ꞌ gajmiálóꞌ juꞌyáá Jesús.

Gu̱mbáyú-mijnálaꞌ ído̱ rí guáꞌdáálaꞌ gaꞌkho̱ rí phú gakhe̱, numuu rí xkuaꞌnii mu̱ne̱-mbáníílaꞌ rí niꞌsngáá Krísto̱.

Mu̱xúne̱-nduwa-mijnálaꞌ: ma̱xáju̱ma̱ꞌlaꞌ rí ma̱goo mu̱tsi̱jmáalaꞌ tsí Ana̱ꞌlóꞌ. Mbá xúgíí máꞌ rí naꞌdu xa̱bo̱, ikhaa máꞌ rúꞌkhue̱n ñajuun rí maguu̱.

Numuu rí xa̱bo̱ tsí naꞌne máꞌ xúꞌkhue̱n rí nandoo xuyuu, ikhaa máꞌ rúꞌkhue̱n ma̱ꞌne rí ma̱ja̱ñúu̱. Xómáꞌ tsí naꞌne máꞌ xúꞌkhue̱n rí nandoo Xu̱u̱ꞌ Ana̱ꞌlóꞌ rá, Xu̱u̱ꞌ Ana̱ꞌlóꞌ ma̱ꞌne rí ma̱xtáa̱ jámuu.

A̱ngui̱nꞌ, xí ndi̱ya̱álaꞌ rí mbáa ni̱rákaa ná aꞌkhán, tsáanꞌ juwalaꞌ xómá rí nandoo Xu̱u̱ꞌ Ana̱ꞌlóꞌ, gu̱mbáyíi̱laꞌ kajngó ma̱ꞌkhaa̱ ná inuu Jesús. I̱ndo̱ó máꞌ numuu rí gu̱xrígú-mijnálaꞌ ído̱ rí nu̱mbáyíi̱laꞌ, jamí gu̱ña̱wa̱n-míjná máꞌ ikháanꞌlaꞌ, ra̱ꞌkhá ma̱rákáanꞌlaꞌ mangáanꞌlaꞌ gáꞌne.

Xí mbáa na̱ju̱mu̱u̱ rí phú gíꞌdoo numuu, jamí nda̱a̱ nitháan rí ñajuu̱n, naꞌne-nduwa-mine̱e̱ꞌ máꞌ ikhaa̱. Mbámbáa gáyaxu̱u̱ mújúun rí naꞌne, jamí xí ríga̱ rí ma̱goo ma̱kúxe̱-mine̱e̱ꞌ ga̱jma̱á, gakúxe̱-mine̱e̱ꞌ máꞌ ná inuu̱ ikhaa̱, jamí ma̱xágiéwan-mine̱e̱ꞌ ga̱jma̱á rí nune̱ i̱ꞌwíin. Numuu rí mbámbáa jaꞌyoo mariꞌña ná inuu Ana̱ꞌlóꞌ ga̱jma̱á numuu rí neꞌne.