Popular Bible Verses from Kubhoka 9

Share

Nambu nukulekiki wehapa ukubhaje wamwomi kwa ndandi jenjenu ngolongwa, nahuli mbataje kukulangiha makili ghangu na lihina langu lipata kumanyikana pundema pokapi.

Bhela Bambo Chapanga akumpwaghi Musa, “Ujendaje kwaka Falao ukumpwaghilaje: Lendenu nde Bambo Chapanga, Chapanga wa Bhaebulania leapwagha, ‘Ubhalekaje bhandu bhangu bhajendaje nahuli bhakapataje kunyojabhela.

Kwa ndandi mbaka sajenu nakabya nhatambwili chiwoku changu na kukulapula wehapa na bhandu bhaku kwa chitamu, na wehapa ukabya ujomwili kuyonangeka.

ananhatambulaje chiwoku changu na kuleta lilapuliku lihakau namaa kwa hinyama yaku yeibhili mu mighonda jaku, panani ja falasi yaku, maponda ghaku, ngamia yaku, ng'ombi yaku, mambeleli ghaku, na imbuhi yaku. Nambu Bambo Chapanga anaatengaje pachilanda ja hinyama ya Bhaizilaeli na hinyama ya Bhamisili, kubha njeta chinyama hata chimu chaka Muizilaeli cheanachipotilaje.

Lingalyaje, chilabhu chikahi ngati chenjenu ananetaje iyula ngolongwa namaa ja maganga ambaju ngachejilabhalili kutonya mu inchi ja Misili, kutumbula lichobha pajakabhombakiki mbaka lalenu. Bhela laghalakyaje hinyama yaku na chokapi chechibhili ku mighonda hoku ibhekakikaje mkati, kwa ndandi iyula ja maganga anajuntonyila kila mundu na kila chinyama chechibhili mu mighonda na yangakubha kunyumba, nayombi anaikuwaje.’ ”

Ilihu yeniheyi anaikubhaje luhombi lupepandau loanalujaghanyaje panani ja inchi jokapi ja Misili. Nalwombi analuletaje maputi ghaghahimba, na kupojoka panani ja bhandu na hinyama, mu inchi jokapi ja Misili.” Bhela bhakatoliki ilihu kuhuma mu mvune na kujema palongi jaka Falao. Musa akahuwiki kunani, naghombi maputi ghaghahimba ghakapitalile mu hyegha ja bhandu na hinyama.