Popular Bible Verses from Kubhoka 8

Share

Nambu bhahabhi bha ku Misili, kwa uhabhi wabhu nabhombi bhakalengiki kulung'anambula luhombi kubha ipapane, nambu ngachebhawezike. Ipapane heyi yakajaghanili kwa bhandu na kwa hinyama. Panihapa bhahabhi bhala bhakumpwaghi Falao, “Aleli nde lihengu la chiwoku chaka Chapanga.” Nambu mtima waka Falao ukajendalili kubha wa kunonopa najombi ngacheanjowanili Musa na Haluni, ngati Bambo Chapanga moakapwaghile.

Bhela Bambo Chapanga akumpwaghi Musa, “Ujendaje kwaka Falao ukumpwaghilaje: Lendenu nde leapwagha Bambo Chapanga, ‘Ubhalekaje bhandu bhangu bhabhokaje, nahuli bhapata kunyojabhela.

Nambu Falao paakaweni kubhili na mbanga, akautendiki mtima waki kubha kunonopa kabhete, bhela ngacheakabhajowanili Musa na Haluni, ngati Bambo Chapanga moakapwaghile.

Ngati anaukaniki kubhalekakela bhabhokaje, lingalyaje, ananijilapulaje inchi jaku kwa kuleta mahungula.

Bhela Bambo Chapanga akumpwaghi Musa, “Umpwaghila Haluni, ‘Uhatambulaje ndonga jaku na kululapula luhombi lwa ndema,’ na luhombi analung'anambukaje kubha ipapane mu inchi jokapi ja Misili.”

Bhela Bambo Chapanga akatendiki bhenibhela. Akaletiki mabhongelu makolongwa gha mabhembi ghakatwelili mu nyumba jaka Falao na mu manyumba gha bhatumika bhaki, kabheti inchi jokapi ja Misili jakayonangiki na mabhembi.