Popular Bible Verses from Kubhoka 7

Share

Bhela Bambo Chapanga akumpwaghi Musa, “Lingalyaje, nukutendiki kubha ngati Chapanga kwaka Falao, najombi Haluni mbeli waku anakubhaje mlota wako.

Nambu ananutendaje mtima waka Falao kubha wa kunonopa, na hata ngati ananyonjukili nginyulila na ngangachu mu inchi ja ku Misili, nambu Falao ngaanjowaneli mwehapa. Nanatu anamekaje chiwoku chechibhi na makili na kujilapula inchi ja Misili, na kubhapiha bhandu bhangu, Bhaizilaeli, bhabhokaje mu inchi ja Misili kwa utemulu ukolongwa.

Chikahi panihatambula chiwoku changu Bhamisili anabhamanyaje kubha nepani nde Bambo Chapanga, na kubhapiha Bhaizilaeli bhapita monihomu.”

Bhela Falao najombi akabhalohiki bhabhabhili na mbulau na bhahabhi na bhaganga bha ku Misili, nabhombi bhakatendiki bhelabhela kwa uhabhi wabhu. Kila jumu akajilekili ndonga jaki pahi, nayombi yakang'anambwiki kubha lijoka. Nambu ndonga jaka Haluni jakaimiliki ndonga yabhu.

Haleli nde leapwagha Bambo Chapanga: Kwa lijambu aleli anaumanyaje kubha nepani nde Bambo Chapanga. Lingalyaje, ananaghalapulaje machi gha nkoka Naili kwa ndonga jenjenu, na machi ghokapi anaghang'anambukaje kubha mwahi.

“Ngati Falao anaampwaghili, ‘Mtenda ngangachu,’ panihapa umpwaghila Haluni, ‘Tola ndonga jaku na ujilekalaje pahi palongi jaka Falao,’ najombi ndonga heji anajing'anambukaje na kubha lijoka.” Panihapa Musa na Haluni bhakapiti kwaka Falao na kutenda ngati mobhakalaghalakiwi na Bambo Chapanga. Haluni akajilekili ndonga jela pahi palongi jaka Falao na bhatumika bhaki, najombi jakabhi lijoka.