Popular Bible Verses from 2 Abakorinzo 9

Share

Khandi Nyasaye anyala okhumushilaasilia obunji bwosi bwobukoosia; mbu inywe olwa mubeetsanga nomwitsulu kwosi mubindu biosi tsindaalo tsiosi mushilaanile buli mulimo omulayi kwosi

Buli mundu akhole shinga tsiyemi etsiomumwoyo olwa tsili; arakhola nobumookooli, kata khulwa okhuhachilisibwa, ta; okhuba Nyasaye aheelanga omundu ouhaana nobusangaafu.

Ne emboola mbu oumiitsa nolukhono alachesa ario nolukhono; ne oumiitsa nomukhono omusiro alachesa ario nomukhono omusiro.

Noyo ouyinilinjia omumiitsi imwo, nende omukaate kwokhuliibwa, alamuyinilinjia namwinjiyilia imwo yeenywe eyokhumiitsa, natasakhwo ebiamo biobulunjishi bweenywe; neenyu nimuyindihasibungwa okhuula khubuhaani bwomukhono omusiro; nobwenobwo, obwa khumukholelanga, buchilanga Nyasaye nakhupilwa orio.

Nyasaye akhupilwe orio muno khulwa eshihaanwashie eshiraboolekha ta.