2 Abakorinzo 9
9
Okhwikholeelela ebihaanwa biabatakatifu
1Khwikhuwa liokhukhalabanila abatakatifu shibulaho eshichila nimuhandiichila; 2shichila emanyile shinga olwa mweerechekha, kata ndiyitsialanga khulweenywe imbeli wabaMakedonia, ndi abaAkhaya bamala okhwirechekha omuyika omulamba; ne obulumilifu bweenywe bubuusiye obunji bwabwe. 3Nebutswa eruma abaana beefwe mbu okhwiyitsiala khweefwe khulweenywe khuleshe okhukwisibwa okhwabutswa mwikhuwa lino; khandi mbu shinga olwa ndaboola, mube nimwirecheeshe; 4kata mbu nimba ninzitsa nende abandi abaMakedonia nimunyoolekha nimureerecheeshe ta, ifwe (ne shimboola mbu inywe ta) khuleshe okhufwimbwa emirwe mubwisiichi buno. 5Niko akachila nindola mbu nobulayi okhusaaya abaana beefwe mbu ba'ranjilile okhwitsa ewa muli nibeekholeelela okhukasia ebiobuhaani bieenywe, ebia mwalaka khale, mbu bibe nibiarechekhwa, shinga olwa bili ebiobuhaani toto, nibiraba ebiobwimani ta.
6Ne emboola mbu oumiitsa nolukhono alachesa ario nolukhono; ne oumiitsa nomukhono omusiro alachesa ario nomukhono omusiro. 7Buli mundu akhole shinga tsiyemi etsiomumwoyo olwa tsili; arakhola nobumookooli, kata khulwa okhuhachilisibwa, ta; okhuba Nyasaye aheelanga omundu ouhaana nobusangaafu. 8Khandi Nyasaye anyala okhumushilaasilia obunji bwosi bwobukoosia; mbu inywe olwa mubeetsanga nomwitsulu kwosi mubindu biosi tsindaalo tsiosi mushilaanile buli mulimo omulayi kwosi; 9shinga olwa kahandiikwa, mbu
Yasalasiye ebindu ebulafu, yabihaaniile abatakha;
obulunjishibwe nabwo shibuhweetsangaho ta.
10Noyo ouyinilinjia omumiitsi imwo, nende omukaate kwokhuliibwa, alamuyinilinjia namwinjiyilia imwo yeenywe eyokhumiitsa, natasakhwo ebiamo biobulunjishi bweenywe; 11neenyu nimuyindihasibungwa okhuula khubuhaani bwomukhono omusiro; nobwenobwo, obwa khumukholelanga, buchilanga Nyasaye nakhupilwa orio. 12Okhuba oburume bwobukhalabani buno shibwitsusinjia eshichelo shiobutambi bwabatakatifu butswa ta, ne bumeetekhanga khuNyasaye khulwa okhuupa orio khwabanji. 13Okhuba khulwako akalolosilibwa mubukhalabani buno, bamwitsoomia Nyasaye shichila bulolosinjia obuhulili bweenywe khukeenako aka murumbulanga, akeiniiili yaKristo; khandi khulwa obuhaani bweenywe nimusanjilana ninabo, khandi nabandu bosi. 14Nabo abeene bamulaamilanga muno nibaliibwa amahoofu nineenywe, khulwa obunji bwobukoosia bwaNyasaye obuli mwinywe. 15Nyasaye akhupilwe orio muno khulwa eshihaanwashie eshiraboolekha ta.
Currently Selected:
2 Abakorinzo 9: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975