2 Abakorinzo 8
8
Akokkuhaananga nomukhono omusiro
1Khandi, baana beefwe, khumumanyia obukoosia bwaNyasaye, obwa tsikanisa tsieMakedonia tsiaheebwa; 2mbu kata olwa bateemwa muno nobusandibwi, obunji bwokhwikhoya khwabwe halala nende obumanani bwabwe obwomusi bwene biashilaana nibichila nibahaana namakhono amasiro. 3Shichila erumbula akobuloli khubo, mbu khulwa okhuchama khwabwe bahaana shinga olwa banyala, kata nende okhushilaasia, 4nibakhulaama halala nokhusaaya muno khwikhuwa liobukoosia buno nende obusanjilani mukhukhalabanila abatakatifu. 5Ne ako shikali aka khwanaayanga konyene ta; ne baranjilila okhwihaana abeene khuMwami, mana nibeehaana khwifwe khulwa okhwenya khwaNyasaye; 6okhuula olwa khwamuchesiyia Tito nikhumuboolela mbu shinga olwa yasimikha khale, bulaano amalilisilie mwinywe akobukoosia buno bwosi. 7Neenyu, shinga olwa mushilaana mumakhuwa kosi, mbu mubusuubili, noburumbusi, nobumanyi nobulumilifu bwosi, nomubuheeli bweenywe khwifwe; kho mushilaane mubukoosia buno bwosi. 8Shimboola endio nindaka bulaka ta; habula khulwa obulumilifu bwabandi enjela eshiilongoole shiobuheeli bweenywe bwosi. 9Okhuba mwamanya obukoosia bwOmwami weefwe Yesu Kristo; mbu kata olwa yali omwene buyinda, ne khulweenywe yakwa omumanani, mbu mana inywe muyindihale khulwa obumananibwe.
10Ne mwikhuwa lino ehaana obukhalachi bwanje, okhuba niko akamukhoyeele inywe abaranjilila okhusimikha okhurula omuyika okwabeele, oburakhola bukhola butswa ta, habula nende okhurakhwo omwoyo. 11Nebutswa bulaano malilisie obukholi bwene; mbu shinga olwa mwali nimwirecheeshe okhurakhwo emioyo, bulaano mumalilisilie elala, obunyali bweenywe shinga olwa buli. 12Okhuba okhwirechekha olwa khuliho, khufuchiililwa khushichelo shia ebio ebia omundu ali ninabio; ne khushichelo shia ebio ebia abula ninabio tawe. 13Ne shimboola kano mbu abandi bahuluusibwe neenyu nimusitohelwa, tawe, 14habula khulwa obuleng'afu; mbu omwitsulu kweenywe kunyale obutambi bwabwe mundaalo muno, mbu mana omwitsulu kwabwe nakwo kulinyala obutambi bweenywe olunyuma; mbu obuleng'afu bubeho. 15Shinga olwa kahandiikwa, mbu owatoola ebinji shiyali nende ebishilaanile ta, kata owatoola ebltiiti shiyaleema ta.
Tito nende abashie
16Ne emuupilanga Nyasaye orio, oweenjisia mumwoyo kwaTito obutinyilifu bulala bwenobwo khulweenywe. 17Okhuba toto mwene, yafuchiilila obuchesiyii bweefwe; ne olwa omwene yali omutinyilifu muno, yarula niyeetsa ewa muli, omwene khululwe. 18Ne halala ninaye kkurumile omwana weefwe oyo owa ifumaye munjiili yatswana mutsikanisa tsiosi; 19kata shilili elo lionyene ta, habula mbu yalobolwa nende tsikanisa mbu achendenje nineefwe mwikhuwa liobukoosia lino elia khukhalabanila, Nyasaye aheebwe oluyali, obwirecheshi bweefwe nibulolekha. 20Ne khwiyilanga kahala, mbu omundu yesi aleshe okhukhubuuluulila mwikhuwa lieshihaanwa shino eshikhongo eshia khukhalabanila. 21Okhuba khwitsulilanga akachamwa, ne imbeli wOmwami yenyene ta, habula nende imbeli wabandu.
22Ne halala ninabo khurumile omwana weefwe owakhunyooleshela akhandi akhanji nali omutinyilifu mumakhuwa amanji, ne bulaano nomutinyilifu okhushila muno, khulwa obwisiichi obukhongo obwa ali ninabwo khwinywe. 23O nundu yesi naba nareebelesiakhwo khuTito, niye oweshisango shilala ninasi, khandi nomukholi owashianje khulweenywe; kata khubaana beefwe, nibo abarume betsikanisa, khandi nibo oluyali lwaKristo. 24Kho imbeli wetsikanisa etsio, mubamanyie ebilolelo biobuheeli bweenywe, nende ebiokhwiyitsiala khweefwe khulweenywe.
Currently Selected:
2 Abakorinzo 8: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975