Popular Bible Verses from Luka 5

Share

Ne olwa yali naleshile okhuboola, yamubiila Simoni ari Sitia khutsie halusiba, mufuube tsikhanda tsieenywe, mbu mwikalile tsinyeeni.

Simoni nakalusia, nasunga mbu Omwami, khunyakhaane eshilo tulu, nikhuratiila eshindu ta; ne khulwa likhuwalio ndaleesia tsikhanda. Ne olwa bali nibakholile bario, beekalila tsinyeeni tsinyinji muno; tsikhanda tsiabwe nitsienya okhukhalikha

Naye narula yenyene, natsia ewa abandu babula, nasaaya.

Shindayeetsile okhulanga abalunjishi ta, habula aboonooni, mbu beekalukhasie.

Ne Simoni Petero, olwa yalola ario, yakwa mumakulu kaYesu, nasunga ari Urulekhwo; okhuba endi omundu omwonooni, Omwami.

Naye Yesu nakalusia, nabasunjila mbu Shibali abalamu abakhoyeele omusilishi ta, habula abalwale.

Ne olwa bali nibaleerile amaaro; abwe khulukuku, balekha biosi, nibamulondakhwo.

Olwa yali nali mwitaala lindi, lola, omundu owa obuchele bwamala omubilikwe kwosi ngwoyo; ne olwa yalola Yesu, yeekhupa hasi mafumama, namusaaya, ari Omwami, noba nochama onyala okhu'siiya. Naye nanyiila omukhono, namutiilakhwo, naboola mbu Enjamile; osiiyishe. Habwene nahabwene obuchele nibumurulakhwo.

Nebutswa amakhuwake kameeta okhutswana hosi hosi; emikanda emikhongo nichikhung'aana okhuhulila nende okhuhonibwa obuteshele bwabwe.