Popular Bible Verses from Mariko 13

Share

Ne mulakiywa nabandu bosi khulwa eliira lianje; nebutswa owifwila okhuula khushihesi, omwenoyo alahonibwa.

Mwirecheshe, nimuba meeso, [musaayenje]; shichila shimumanyile induukho olwa yiliula ta.

Nolwa bamuyila nibamwinjilila itookho, murahenda mbeli mbu namuboole shiina, tawe; ne kosi aka mulaheebwa khushise shieneshio, niko aka mulaboola; shichila shimuli inywe ababoola ta, habula Roho Omutakatifu.

Likulu nende eshibala bilihwaho; ne amasungo kanje shikalihwaho ta.

Ne inyanga yene kata isaa yene, abulaho oumanyilekhwo, kata abamalaika abomwikulu ta, kata Omwana, habula Samwana.

Ne olwa mulahulilanga khukobusoolo nende amakhuwa kamahe, muleshe okhuhenda; ako kakhoyile okhwikhola; ne obumaliilishi nibushili.

Khulwako mubeetsenje meeso; okhuba shi-mumanyilekhwo eshise eshia omwami omwenengo yeetsa okhwitsilamwo ta, kata mungoloobe, kata mushilo hakari, kata muyakashio, kata mumabwibwi; muleshe okhwitsukhana niyoolile, namunyoola nimukonile. Ne elia emuboolela inywe embaboolela bosi, mbu Mube meeso.

Okhuba lihanga lilabuushila khwihanga lindi, khandi oburuchi khuburuchi bundi; khulabaho okhurenga khweshialo eyi nende eyi; inzala nayo yilabeetsangaho; ako kosi nokhuchaaka butswa khweinumwa.

Ne khatimba injiili yiranjilile okhwilwatsilwa amahanga kosi.

Abanji bakheetsenje muliira lianje, nibaboola bari Isie nisie; nibabashiamia bario abanji.

Ne mwirecheshe; shichila balamukhobana nibamuyila mubiina; mutsisinagogi mulanywekhwa; ne mulasinjila imbeli wabaami nende abaruchi khulwanje, mube oburumbusi khubo.

shichila balibuukha abaKristo bobubeeyi nabanabii bobubeeyi, nibalolosia ebilolelo nende akamakana, mbu bakosie kata abalobole nikaba nikanyalikha.

Ne mundaalo tsienetsio, inyuma wamasila ako, omubasu kulikwa eshiilima, kata omwesi shikuliakhakhwo ta, tsinyininyini natsio tsiliakukhanga okhurula mwikulu, ebietsingufu ebiliho mwikulu nibitechesibwa.