Popular Bible Verses from Luk 23

Share

Jesus oba säd: Voda, vejeff äant, wiels see weeten nich, waut see doonen! See oba vedeelden siene Kjleeda un schmeeten daut Loss doaräwa.

Un Jesus säd to am: Ekj saj die woarhauftich: Vondoag woascht du met Mie em Paradies sennen.

Un hee säd to Jesus: Har, denkj aun mie, wan Du en dien Rikj kjemst!

Un Jesus roopt met lude Stemm un säd: Voda, en diene Henj befäl Ekj mienen Jeist! Un aus Hee dit jesajcht haud, äwajeef Hee sienen Jeist.

Un aus see bat de Städ kjeemen, dee Koppknoaken jenant woat, kjriezichten see Am doa un de Vebräakja, dän eenen to de Rajchte un dän aundren to de Linkje.

Un daut wia om de saste Stund; un eene Diestanis kjeem äwa daut gaunze Launt bat de näajende Stund, un de Sonn wort vediestat, un de Gardien em Tempel reet enne Medd twei.

Aus de Hauptmaun sach, waut doa passieed, lowd hee Gott un säd: Werkjlich, dis Mensch wia jerajcht!