Popular Bible Verses from Luk 24

Share

Un kjikj, Ekj schekj de Vespräakjunk von mien Voda opp junt; jie oba, blieft en de Staut Jerusalem, bat jie aunjedonen woaren met Krauft vom Huagen.

Hee es nich hia oba es oppjestonen! Denkjt doaraun, waut Hee to junt räd, aus Hee noch en Galiläa wia

Dan worden äare Uagen opjemoakt, un see kjanden Am; un Hee veschwunk ver äant. Un see säden eena toom aundren: Brend nich ons Hoat en ons, aus Hee oppem Wajch met ons räd un aus Hee ons de Schreften opmuak?

un Hee säd to äant: Soo steit jeschräwen, un soo must de Christus lieden un aum dredden Dach von de Doodje oppstonen; un en sienem Nomen sull jeprädicht woaren de Busse un Sinden-Vejäwunk mank aule Velkja, aunfangen von Jerusalem.

See fungen oba dän Steen vom Grauf wajchjerolt. Un aus see nenjinjen, fungen see dän Kjarpa vom Harn Jesus nich.