Popular Bible Verses from Eksodas 31

Share

“Moses. Mi mi jusumaot man ya Bejalehel finis, mo mi mekem we paoa blong mi i kam fulap long hem. Man ya, papa blong hem Uri, mo bubu blong hem Huru we i laen* blong Juda,* mo mi mi givim save long hem, mo mi mekem we hem i gat gudhan blong mekem plante gudgudfala wok. Hem i save mekem plan blong ol gudgudfala samting, mo i save wokem ol samting ya long gol mo long silva mo long bras. Hem i save katem ol gudgudfala ston we i blong flasem ol samting, mo i save wokem ol gol blong holemgud olgeta, mo i save katem ol samting tu long wud. Mo hem i gat gudhan blong mekem evri naranarafala wok olsem.

blong i go talemaot long ol laen* blong Isrel,* we hem i talem se, “Mi mi Hae God, mo mi mi makem Sabat* dei, se hem i dei we bambae yufala i spel long hem. Dei ya bambae i wan saen we i blong stap olwe, we i blong yufala, mo i blong mi tu, blong soemaot we mi nao mi God blong yufala, mo mi mi mekem yufala i tabu, yufala i man blong mi.

Dei ya bambae i wan saen we i blong stap olwe, we i soemaot we mi mi Hae God mo yufala i man blong mi, from we mi mi mekem heven mo wol long sikis dei, nao long namba seven dei, mi no moa wok, mi spel.”