Popular Bible Verses from Dolabololo 19

Share

Manusia manga rancana ma repe toma 'akala re sinyingara ma dara, mada'a pa'i Ma JOU 'ai putusanga ga'a 'i dadi.

Ngowa-ngowa'a ga'a 'aḏi sijumu manga 'akala re sinyingara ma dadalara toma ngowa'a ma dinga'unu ua, gena-ge ma tero sa'olo Ma JOU 'o mabanyatoro ra ananga, maha ḏua, Unanga 'a fanga ra ananga sababu manga ga'a gena-ge.

'Akala ma la-la nyengara 'i si'a'a ngowa'a 'akala ḇanyo; re ananga gena-ge ngowa'a ya'u silamo'o sababu 'aḏi sima'afu ngowa'a manga sala.

'Isene duga re domolo re dawongo do-doto'o, la ngini ni dadi 'akala soro'unu toma biono i'a.

Silamo'o re mojongo Ma Jou'ongu Madutu, gena-ge 'i sigasa 'ahu; ḏua ngini ni siḏagi 'ahu, kama mojongo bodito ua.

Ngowa'a ga'a 'aḏi makutale sanga 'akala ma la la, ananga 'aḏi kadiarata manga diri; Ngowa'a ga'a 'aḏi macako'o toma wo-waro lai ngido, ananga 'aḏi sanga bara'utungu.

Doto'o 'ani ngowa 'olo-ngowa 'olo moju wakutu rema ngo-nganono moju; na'o so'o gena ua ngini ni mau ananga 'aḏi sengene.

Sakisi sa-sakala 'aḏi mawiḏi yoḏu'u toma hukumana re ngowa-ngowa'a ga'a 'aḏi siare-are sa-sakala, ḏuanga i'a 'aḏi sengene.