Popular Bible Verses from ZAA 'BƆGƲ 15

Share

-Amö-ö -yɛ-a tlʋtlʋsuo gblʋ, abha -yɛ-a ʋ klia. -Ɔ la'a -ɔ n -nyɔɔ 'sɔ -yɛ 'ji -wʋwʋnʋ mɔ-ɔ tlʋ-a 'bhïë -bebe. -Wʋʋ yɛ-a, ɛ nɩ na yɛ glɩnɩ a'a bhɛlɩ a 'yɛ -lu nʋ.

Sa n -wʋ-ɔ -ma a 'mö, a -wʋ -sɩbha -ma na 'mö, sa sukle nɩ-a -da 'ji -wʋ 'n a 'nyize 'nɩ tlʋ-a, -sɩbha a nɩ-ɛ -ma na 'mö -wʋ, 'n a 'na-a tlʋ.

'N a -yɛ -ma na 'mö -wʋ, na wɛlɩ kaya dlɩ zɔmö -wʋ-ɔ, -lu -mʋɔ 'bhëë gbʋ-ʋ kaya pla a 'jɩbhʋ, ghlɩɛ a jiʋ -bha.

Abha nɩ'ɩ-ɛ -bha -sa, -amö-ö saya-a -bha, 'n n jiya-a 'bhli 'wʋ sɛ zʋ a 'yɛ mö, sa la'a suo su tlʋ-a a nʋnʋli 'yɛ -sɩbha 'ji nanɩ, 'bhë -ɩ la'a 'bhuo a ji-a na 'nglɩ 'mö na -Tɩbha 'jɩbhanɩɛ ɔ 'kaya 'nyɛ.

-Ɔ la'a -ɔ zʋ-a ɔjɩ ɔ 'tʋalɩbhangwa 'yɛ 'pʋɔ yɛ -ma ɔ nɩkpajɩbhajɩbhʋɔ nimï, nɩkpajɩbhajɩbhʋ -mʋmʋ 'nɩ -ma -wʋ.

Klia la'a 'bhuo -ɩ 'nɩ tlʋ-a, -bha ɔ dɩɩ -bha, 'n ɔ sa-a -ɩ tlʋ-a kpa yawʋ ɩ 'yɛ tlʋ tenyie yɛ.

Wɛlɩ n tɩya-a yawʋ mɩ-ɛ la'a: A 'jɩbhajɩbhanɩ sa n 'jɩbhaya-a.

A -yɛ 'bhïë -bebe tlʋ, mɩ-ɩ 'ghlimanɩɛ na -Tɩbhaa 'nglɩ, 'n a 'yɛ-a na 'wʋbhlinɩngwaa -wʋbhlinɩngwa zʋ.

Glʋglʋsu la'a -ʋ tlʋ-a, ʋ 'gblʋ n glɩnɩ -bha, na -Tɩbha mɔ-ɔ -yɛ-a ʋ -lowli.

-Ɔ nɩ -ma na 'mö -wʋ-ɔ, suklee swɩ 'kwla wa jio-a 'paa, 'n ɔ 'yɛ-a yɛ. Wa -yɛ 'mɩ suklia 'wlu 'titanɩ, 'n wa pɩ-a -kosu'u, 'n ɩ si -bha.

-Wʋʋ yɛ n gbɩ-a a de-e, a 'yɛ na 'mʋna ghlɩ 'bhë a 'mʋna 'yɛ 'ji mlinɩɛ yɛ -bha.

Sa n zʋ-ɔ la'a -bha na -Tɩbhaa wɛlɩ 'n n nyɔnʋ-a ɔ 'jɩbhajɩbhʋ cɛ, a -yɛ -sɩbha na wɛlɩ -bha zʋ, a ji na 'jɩbhajɩbhʋ cɛ nyɔnʋ.

-Ɩ n nʋ-a a nʋ-ɔ, mɩ-ɩ -yɛ-a naa a 'jɩbhajɩbhanɩ.

A -yɛ la ma'a 'pɩ 'wʋɔ 'bhëë 'nyizee -lʋa glɩnɩ-ɛ, wa 'bhɩa a glɩnɩ-aa yɛ, wa jiya la 'jɩbha. -Ma ɩ 'mö, -amö-ö saya-a ma'a 'pɩ 'wʋɔ -lʋa 'gbamö a 'yɛ na -lʋa glɩnɩɛ yɛ, a'a-a 'mö ma'a 'pɩ 'wʋɔ 'nyizee -lʋa, ɩ yɛ wa 'jɛbhɛlɩya -bha.