Popular Bible Verses from जोहन 14

Share

इञ अपे ठिनुः सांति ता बगी वपेकानिञ। इञ रआ सांति अपे के एमापेकानिञ, जे लेका दुनिया एमापेकानाय, इञ अपे के काइञ एमापेकाना अपे रआ मोन ओलो बेयाकुल वोःका अरो ओलोपे बोरोया।

ईसु ता उनी के मेताःदेयाय, “होरा अरो सचाय अरो जीवन इञ गी हेकेञ, इञ रआ बेगार जहय आपुञ ठिनुः काकु तेबाः दड़िवाःआ।

“अपे रआ मोन ओलो बेयाकुल वोःका। परमेसर रे बिसवास एपे अरो इञ रेहों बिसवास एपे!

मुदा उनी देंगा वनीः, मने पबितर रावा, जेके आपुञ, इञ रआ लुतूम एते कुलेयाय, अपे के सुबिन्‍नाः सिखाव पेयाय। इञ अपे के जहन्‍नाः उदुः एकावाःपिञ, उनी, उना सुबिन ओयहर वपेयाय।

जे इञ रआ हुकूम सारीइ कनाकु अरो उना रआ पालन कनाकु, उनकु गी इञ के दुलार एञ कनाकु अरो जे इञ के दुलार एञ कनाकु, उनकु के इञ रिई आपुञ दुलार कुवाय, अरो उनकु के इञ हों दुलार कुञ, उनकु रे इञ अपन के दिसतार वोःओञ।”

इञ आपुञ एते कुलियिञ अरो उनी अपे कथिर, मिहोर देंगा वनीः के एमापेयय, उनी अपे लोः सोबदिन तहिनोःओय। उनी सचाय रिई रावा हेकेय, जेके दुनियादारी रेन होर काकु गरहन दड़िवाया, चिलिमेनचि उनकु उनी के ना दो नेलेय कनाकु अरो ना सारीइ कनाकु। अपे उनी के सरिइ कनापे, चिलिमेनचि उनी अपे लोः तहीः कनाय अरो अपे रे बोसाव वोः कनाय।

जहन्‍नाः अपे इञ रआ लुतूम एते कोयियापे, इनागी इञ कराविञ, जेकर एते होपोन हेरेल रआ दोवासते आपुञ रआ महिमा होयुःआ। जदि अपे इञ रआ लुतूम लेयकेते इञ एते जहन्‍नाः हों कोयियापे, दो इञ इनागी एमापिञ।

“जदि अपे इञ के दुलार एञ रेदोपे, इञ रआ हुकूम पालन इयापे।

इञ रिई आपुञ रआ ओड़ाः रे बेचोट एते तहीः कथिर ठांव हेनाःआं। जदि नुंका का होयुः रेदो होनङ इञ अपे के उदुः वपेयिञ, चिलिमेनचि अपे कथिर ठांव तेयार सिनुःकानिञ।

इञ ओन्डो सेन केते अपे कथिर ठांव तेयारीञ, इना तयोम अरो हिजुःइञ अरो अपे के अपन ठिनुः इदी पिञ, जेकर एते जे ठिनुः इञ हेनाञा, ओन्डो अपे हों तहीःआपे।

थोमा ता ईसु के मेताःदेयाय, “परभु! आले नुवां हों काले सारीइकाना चि आम कारे सिनुः कनाम, दो ओन्डो रआ होरा चिलका ते सारी दड़िवाःआले?”