Popular Bible Verses from मरकुस 14

Share

अरो गाम्‍मेताय, “ए आबा,” ए आपुञ, “आम एते सुबिन्‍नाः होय सकावोःओ! नुवां दुख रआ डुभनी इञ ठिनुः एते ओचोःएम, रेहों जेलेका इञ चहाः कनिञ उनका बङा, मुदा जे लेका आम चहाः कनाम इनका गी होयुःका।”

जगवार तहीः अरो पराथना चित तहीः, चि अपे परीछा रे ओलोपे उयुःओ। रावा दो तेयार हेनाःआं, मुदा होड़मो कोमजोर गिया।”

इञ अपे के सच गी गामवापे कनिञ, चि सुबिन दुनिया रे, जहां रे हों बुगिन खभेर परचार इयाकु, ओन्डो उनी रआ नियां कामि रआ बाखान हों ओयहर रे करावियाकु।”

तोब ईसु ता अपन चेला के मेताःकुवाय; इञ रआ जीव बेचोट उदासेना नोन्डो तक चि इञ रआ जीव उडुङओः लेका अटकार वोःकाना अपे नोन्डो गी ठहराःपे, अरो इञ लोः जगवार तहीःपे।

जोब उनकु जोम्‍मेकेनाकु रिगी, ईसु पिठा साप्पेताय अरो धेनयाबाद केते खेचाःएताय अरो उनकु के एमाःकुवाय अरो गाम्‍मेताय, “ने, नुवां इञ रआ होड़मो हेके।”

अरो उनी डुभनी साप केते धेनयाबाद एताय अरो उनकु के एमाःकुवाय; उनकु सुबिन उना एते नु एताकु। अरो उनी उनकु एते गामवाःकुवाय, “नुवां इञ रआ मयम हेके, जे बेचोट होर कथिर अतुय कनिञ, इञ रआ मयम परमेसर रआ करार रआ चिनहा हेके।

तोब ईसु उनकु एते गामवाःकुवाय, “अपे सुबिन ठोकोरा जोम्‍मापे, चिलिमेनचि धरम पोथी रे ओल्‍लेकाना; ‘इञ गोरखी वनीः के गोजेयिञ अरो भेड़ी छितीर-बितीर वोःओकु।’

बिरितपे, अबुन सिनुःअबु! नेलपे, इञ के सासप इरीवानीः हेनात हेच तेबाः एकानाय!”

ईसु उनी के गामवादेयाय, “इञ आम के सच गाम वामकानिञ चि तिहिञ गी नियां निदागी सिम बार इसा राः एते पहिल, आम तीन इसा इञ के काइञ सारी मिकाना मेन ते गाम्‍माम।”