Popular Bible Verses from रोमि 12

Share

नेबरीक नियां दुनिया रआ रीति लेका ओलोपे सेसेन्‍ना, मुदा मोन नवां केते परमेसर के अपे रआ चइल-चलन बदलाव इरीवायपे। ताकि अपे के पता होयकोःका चि परमेसर रआ हिछा चिलिकाः हेके। मनेकि जे बुगिन एते बुगिन, सुहाः अरो सिध हेनाःआं।

इनाते ए बिसवासी बोयहा-मिसी, इञ अपे एते परमेसर रआ माया ओयहर केते गोहराव पेकानिञ, चि अपन होड़मो ता जुवेत अरो पबितर अरो परमेसर के सुहाः लाइख बलिदान एपे। नियां गी अपे रआ आत्मिक उपासना हेके।

आसरा रे अनादित तहीःपे। बिपेत रे साबुर दोहोयपे। पराथना रे लगाल तहीःपे।

बुराय एते ओलोपे हरावोःओ मुदा बुगिन केते बुराय ता जिताःपे।

अपे सचा बोयहाकु लेका अनी-नोय के दुलार कुपे। हरेक होर अनी-नोय के माइन कराव वते लहा बड़हाःपे।

अपे रआ दुलार बिन कपटाहा होयुःका, बुराय एते घिनाःपे, बुगिन रे लगाल तहीःपे।

जहां तक होय सकाःका, सुबिन होरकु लोः मेल-मिलाप एते तहीःपे।

इञ रेन दुलारकु, जहय एते अपन ते पलटा ओलोपे अगुया। मुदा परमेसर रआ खिंस ता मोका एमपे, चिलिमेनचि पबितर पोथी रे ओल्‍लेकाना, “परभु ता गाम एकाःआय पलटा अगु इञ रआ कामि हेके। परतिफोल इञ एमाकुञ”

मेहनेत कराव रे ओलोपे कोड़ही नोःओ, रावा उत्साह बनाल तहीःका, परभु रआ सेवा कराव चित तहीःपे।

इनाते उना दया रआ चलते जे बरदान उनी ता इञ के एम एकावादेञाय, इञ अपे सुबिन एते गाम वपेकानिञ, जे लेका सोमझाः चही, उना एते बइड़ केते जहय हों अपन के ओलोपे सोमझावोःओ, जे लेका परमेसर ता हरेक के जेतना बिसवास एम एकावाःकुवाय, इमिनुः गी बुगिन बुधि एते अपन के सोमझाःपे।

बुराय रआ बदला ओलोपे बुराय इया। सुबिन होरकु रआ नजेर रे जे बुगिन हेनाःआं उनागी कराव रआ सोंचाःपे।

मेल-मिलाप ते तहीःपे। ओलोपे घमंडिया, मुदा नबर-दुबरकु लोः मिलाः-जुलाः चित तहीःपे। खुद के बुधिमान ओलोपे सोमझावोःओ।

मुदा अपे रेन बइरी रेंगेच मेनाकु रेदो उनकु के जोजोम वनाः खियावकुपे। जदि उनकु तेतांङ मेनाकुवा रेदो उनकु के दाः नुनू कथिर एमाकुपे। चिलिमेनचि जदि अपे नुंका कराव कनापे रेदो अपे उनकु रआ बोहोः रे लजिम्‍मोः आनाः अंगरा ढेरिइ कनापे।

जे अपे के सताव पेकानाकु उनकु के आसरीबाद एमाकुपे। उनकु के ओलोपे सरफावकुवा, आसरीबाद एमाकुपे। जे आनाद हेनाकुवा उनकु लोः आनाद एपे। जे इयाम कनाकु, उनकु लोः इयामपे।

पबितर होर रआ दरकार रे देंगा कुपे। मेहमानकु के सेवा कराव रे तेयार तहीःपे।

जे लेका अबुन रआ होड़मो रे बेचोट अंग मेनाःआं अरो सुबिन अंग रआ अलग-अलग कामि हेनाःआं। इना लेका गी अबुन जे बेचोट एते मेनाबुना, मसी रे मीः होड़मो होय केते आपस रे अनी-नोय रआ अंग हेकेबुन।