Popular Bible Verses from रोमि 5

Share

मुदा परमेसर ता अबुन रे अपन दुलार देखाव वाःबुनाय, जोब चि अबुन पापी गी तहिकेनाबुन, मसी ता अबुन कथिर गोच्‍चेनाय।

आसरा अबुन के काय निरास इरीबुन कनाय चिलिमेनचि पबितर रावा रआ दोवासते, जे अबुन के एम्‍मेकाना, परमेसर रआ दुलार अबुन रआ हिरदय रे संजो एकाःआय।

इमिनुः गी बङा, अबुन दुख तकलिब रेहों घमंड करावियाबुन, चिलिमेनचि अबुन सारीइ कनाबुन चि दुख तकलिब धीरज उपनेग कनाय। अरो धीरज एते परखाव वनाः चइल-चलन उडुङओः काना। अरो परखाव वनाः चइल-चलन एते आसरा उपनेग वोःकाना।

इनाते अबुन बिसवास एते गी धरमी ठहरावेनाबुन, अपन परभु ईसु मसी रआ दोवासते, परमेसर लोः मेल हेनाःआं। मसी ता अबुन कथिर उना दया रआ दुवेर रड़ा एकाःआय, जे अबुन के बिसवास एते नाम्‍मेना। अबुन नियां गानाम ता रे घमंड इयाबुन चि अबुन के परमेसर रआ महिमा रआ भागी बयुः रआ आसरा हेनाःआं।

जोब अबुन बेसाहारा तहिकेनाबुन, तोब उचित समेय रे मसी अबुन अधारमिकु कथिर गोच्‍चेनाय।

नेबरीक अबुन ईसु रआ मयम रआ चलते धरमी ठहरावेनाबुन दो नेबरीक उनी रआ दोवासते परमेसर रआ खिंस एते निचित गी बनचाव ओःओबुन।

जेलेका मिहोर मनवां रआ हुकूम का मनाः रआ चलते सुबिन पापी ठहरावेनाकु, इनालेका गी मिहोर रआ हुकूम पालन कराव रआ चलते ढेर होर धरमी ठहरावेनाकु।

इमिनुः गी बङा, नेबरीक दो अबुन रिई परभु ईसु मसी रआ दोवासते परमेसर लोः अबुन रआ मेल होय्येना, इनाते अबुन उनी रआ दोवासते परमेसर रे भोरोसा दोहो केते घमंड हों करावियाबुन।