Popular Bible Verses from रोमि 6

Share

चिलिमेनचि पाप रआ बोनी गोनोच हेके, मुदा परमेसर रआ बरदान, अबुन रिई परभु ईसु मसी रे का मुडूः जीवन हेके।

अपे रे पाप रआ जहन हक का तहिना। चिलिमेनचि अपे नियम रआ अधिन रे बङा, मुदा दया रआ अधिन रेपेया।

उना गोनोच रआ बतिसमा अगु एते अबुन उनी लोः तोपा एनाबुन, ताकि जेलेका आपु रआ महिमा रआ दोवासते मसी के गोच वनकु रे ते जुवेत एदेयाय, इना लेका गी अबुन हों नवां जीवन बितावियाबुन।

अपन होड़मो रआ अंग ता अधरम रआ सेवा रआ हथयार रआ रुप रे पाप के ओलोपे जीमावाया, मुदा गोच वनकु रे ते जुवेत बिरीत वनकु लेका परमेसर के जीमावायपे अरो अपन होड़मो रआ अंग ता धरमिकता रआ सेवा रआ हथयार रआ रुप रे परमेसर के जीमावायपे।

अबुन सारीइ कनाबुन चि अबुन रआ मरी चइल-चलन उनी लोः कुरुस रे रकप चुकावेकाना, जेकर एते पाप रआ होड़मो गोच कोःका अरो अबुन दोबोरा पाप रआ गुलाम रे ओलो तहीः कबुन।

नियां लेका अपे अपन कथिर हों सोंचाःपे चि अपे पाप कथिर गोच चुकाव एकानापे, मुदा ईसु मसी रे परमेसर कथिर जुवेत हेनापेया।

दो अरो अबुन चिलिकाः गाम्‍माबुन? चिलि अबुन पाप कराव चित गी तहिनाबुन ताकि परमेसर रआ दया बड़हाव इदीःका? हिरगीस बङा, अबुन जोब पाप रआ बबेत रे गोच वनकु लेका एनाबुन दो दोबोरा लहा उना रे चिलिमेन जीवन बितावियाबुन?

चिलि अपे कपे सारीइकाना चि जोब अपे जहय रआ हुकूम मानाः कथिर अपन खुद के बन्धुवा रआ रुप रे उनी रे सोंपाः कनापे दो अपे बन्धुवा हेकेपे। चहे अपे पाप रआ बन्धुवा बयुःपे, जे अपे के गोनोच सोझ इदी पेयाय चहे हुकूम मानाः रआ, जे अपे के धरमिकता सोझ इदिपेयाय।

परमेसर के धेनयाबाद होयुःका चि अपे, जे पहिल पाप रआ बन्धुवा तहिकेनापे, नेबरीक पुरा हिरदय एते उना सिकछा रआ नमुना रे सेसेन हेलावेनापे, जे अपे के मिलावेकाना। अरो पाप एते छुटकारा नामकेते अपे धरमिकता रेन गुलाम बाय एकानापे।