Popular Bible Verses from रोमि 8

Share

अरो अबुन सारीइ कनाबुन चि जे होर परमेसर लोः दुलार कनाकु, उनकु कथिर सुबिन गानाम मिलाव केते बुगिन कामि गी उपनेज कनाय, मनेकि उनकु कथिर गी जे उनी रआ उदेस रआ मोताबिक होहो एकानाकु।

चिलिमेनचि आले निचित बिसवास कनाले चि ना गोनोच ना जीवन ना सोवारागदूत ना राइज कराव वनकु ना नेबरीक रआ जुग ना हिजुः आनाः जुग ना बोल ना उसुल, ना गहिड़, ना दुनिया रेन जहन अरो जिनिस अबुन के परमेसर रआ दुलार एते, जे अबुन रिई परभु मसी ईसु रे हेनाःआं, अलग कराव दड़िवाबुनाय।

इना लेका एते रावा हों अबुन रआ कोमजोरी रे अबुन के देंगा बुन कनाय, चिलिमेनचि अबुन कबुन सारीइकाना चि पराथना करा लेका एते कराव चही। मुदा रावा खुद गी नुंका सिसकाव-सिसकाव अबुन कथिर बिनतीइ कनाय जे बाखान एते टांड़ी मेनाःआं।

अबुन नियां गानाम रआ बबेत रे चिलिकाः गाम्‍माबुन? जदि परमेसर अबुन सोझ हेनाया रेदो अबुन रिई बिरोधी ओकोय होय सकाःकाय।

नेबरीक जे मसी ईसु रे मेनाकुवा, उनकु रे दन्ड रआ हुकूम बनुःआं, (चिलिमेनचि उनकु होड़मो रआ मोताबिक बङा, मुदा रावा रआ मोताबिक सेसेन कनाकु।)

होड़मो रे मोन लगाव दो गोनोच हेके, मुदा रावा रे मोन लगाव जीवन अरो सांति हेके।

मुदा नुवां सुबिन गानाम एते हों आले उनी दोवासते जे ता आले एते दुलार एताय, आले पुरापुरी जिताव ओःकाले।

चिलिमेनचि इञ रआ बिचार रे नियां समेय रआ दुख, उना महिमा रआ तुलना रे, जे अबुन रे दिसतारोः वनाः हेनाःआं, जहन्‍नाः बनुःआं।

ओकोय हेनाया, जे अबुन के मसी रआ दुलार एते अलग दड़िवाबुनाय? चिलि क्लेस, संकट, सताहट, भूखमरी, लंगटा, जोखिम, तलवाइर?

अरो मोन जांचाव वनीः परमेसर ता सारीइ कनाय चि रावा रआ चिलि मोन हेनाःआं? चिलिमेनचि रावा पबितर होरकु कथिर परमेसर रआ हिछा रआ मोताबिक बिनतीइ कनाय।

चिलिमेनचि जे परमेसर रआ रावा रआ एगवाइ मोताबिक सेसेन कनाकु, उनकु परमेसर रेन होपोन हेकेकु।

चिलिमेनचि जे होर होड़मो रआ मोताबिक जुवेत ओःकानाकु, उनकु, होड़मो रआ हिछा रे मोन लगाव कनाकु, मुदा उनकु जे रावा रआ मोताबिक जुवेतोः कनाकु, उनकु रावा रे मोन लगाव कनाकु।

परमेसर ता जे अपन होपोन हेरेल के बलिदान होयुः कथिर काय हिचकिचाव केनाय, मुदा परमेसर अपन होपोन हेरेल के अबुन सुबिन कथिर गोजुः कथिर सोंपाव कदेयाय। तोब उनी अबुन के उनी लोः अरो सुबिन्‍नाः चिलिमेन बकसिस रे काय एमुःआय?

उनी पबितर रावा खुद अबुन रिई रावा लोः मिलाव केते गोवाही एम कनाय चि अबुन परमेसर रेन होपोन हेकेबुन। जदि अबुन उनी रेन होपोन हेकेबुन दो अबुन हों हकदार हेकेबुन। जदि अबुन महिमा ननाम कथिर दुख उठाव कनरेदोबुन परमेसर रेन हकदार हेकेबुन, मसी लोः संगी हकदार हेकेबुन।

चिलिमेनचि होड़मो रे मोन लगाव दो परमेसर एते बाइर कराव हेके, चिलिमेनचि नुंकन मोन न दो परमेसर रआ नियम रआ अधिन रेया अरो न तही दड़िवाःआय।

चिलिमेनचि नुवां उपनेज वनाः दुनिया मरंग आसा एते उना समेय कथिर तांगी एकाःकुवाय जोब परमेसर रेन होपोन के दिसतार कुवाय।

चिलिमेनचि अबुन सारीइ कनाबुन चि पुरा दुनिया तिहिञ तक होपोन जनमव रआ लेका केहराः अरो छटपटाः कनाय।