Popular Bible Verses from Yohane 15

Share

Me yeɛ nde bobe ne, na ɛmɔ yeɛ ɛmɔte asaa ne. Ebiala bɔ ɔkɔtena me nu, na me koso ngɔtena ye nu ne, ye yeɛ osu mmaa pee ɔ; ofikyɛ nne nu a, ɛmɔ ngɔhora hwee yɛ.

Ɛmɔtena me nu, ná me koso ngɔtena ɛmɔ nu. Kyɛbɔ asaa ne bɔbɔ ngora nzu mmaa, sana otua bobe ne nwo ne, sɔ ala yeɛ ɛmɔ koso ɛmɔ ngɔhora bɛngɔsu mmaa, sana ɛmɔ tena me nu.

Sɛ ɛmɔtena me nu, na me dwirɛ ne tena ɛmɔ nu a, ɛmɔ bisa bɔ ɛmɔ kuro biala, na ɛmɔ sa kɔha ye.

Nná ɛmɔ yeɛ ɛmɔ yele me ɔ, me mmom yeɛ nyele ɛmɔ ɔ. Na nyele ɛmɔ kyɛ, ɛmɔhɔ, na ɛmɔɔsu mmaa, ná ɛmɔ mmaa ne tena berɛ, kyɛbɔ ɔkɔyɛ a, nikye biala bɔ ɛmɔ kobisa Baba ne wɔ me dumaa nu ne, ɔkɔfa kɔma ɛmɔ.

Ebiala nne berɛ bɔ ole ɔdɔ bɔ ɔtra ɛhe ɔ, kyɛ ebie kɔfa ye ngoa kɔto berɛ kɔma ye nnamvo mɔ.

Asaa biala bɔ ɔwɔ me nwo, bɔ onzu mmaa ne, ɔpɛ to; na asaa biala bɔ osu mmaa ne de, ɔyeye ye nwo, ná wamaa wasu mmaa pee.

“Me ahyɛdeɛ yeɛ ole kyɛ, ɛmɔdodɔ ɛmɔ nwo kyɛbɔ medɔ ɛmɔ nala.

Bɔ ɔhyɛ me Baba anuonyam yeɛ ole kyɛ, ɛmɔ kosu mmaa pee, na ɛmɔ ahyire kyɛ ɛmɔte m'asuafoɛ.

“Me yeɛ nne nahorɛ bobe ne, na me Baba yeɛ ole kuaniɛ ne.

Sɛ ebie andena me nu a, bɛpɛ ye bɛto te kyɛ bakaa ne sa ne maa owu. Na mmenia sesa sɔ asaa nemɔ, na begyi bɛgua see nu maa ɔyera.

Maha ɛhemɔ mahyire ɛmɔ, na wamaa ɛmɔ anya m'anigye ne bie, na ɛmɔ anigye ne ali mu.

Sɛ ɛmɔdi m'ahyɛdeɛ so a, ɛmɔ kɔtena medɔ nu, kyɛbɔ mali Baba ne ahyɛdeɛ so, na nde ye dɔ nu ne.

Ahyɛdeɛ hemɔ yeɛ mefa mema ɛmɔ ɔ, na wamaa ɛmɔ adodɔ ɛmɔ nwo.

Sɛ ɛmɔboka wiase naso a, ahaa wiase ne kohuro bɔ ɔte ye deɛ ne dwirɛ. Nakoso ɔnate kyɛ ɛmɔ bokka wiase naso, na maye ɛmɔ mafi wiase nati, wiase ne tane ɛmɔ.