Popular Bible Verses from Yohane 16

Share

Maha ɛhe mahyire ɛmɔ, na wamaa ɛmɔ anya asomdwie wɔ me nu. Ɛmɔ konwu amaneɛ paa wɔ wiase nanu de, nakoso ɛmɔnya akukuduro! Mali wiase naso ngunim.”

Nakoso, sɛ nahorɛ honhom ne ba a, okohyire ɛmɔ atee kɔhɔ nahorɛ namukoraati nu. Ofikyɛ nná ye bɔbɔ ye pɛ yeɛ ɔkɔfa kodwudwo ɔ, mmom bɔ ɔkɔte ne, ɛhene yeɛ ɔkɔha ɔ, na ɔkɔmaa ɛmɔ konwu nningyein bɔ ɔbaasisi ne.

Ná ɔbadwu bekye, ɛmɔ bisalle nikye fee wɔ me dumaa nu. Nakoso ɛmɔ bisa, na ɛmɔ sa kɔha ye, ná wamaa ɛmɔ anigye ne ali mu.

Nakoso, nahorɛ yeɛ meka mekyire ɛmɔ ne, ɛmɔ pa nu ti yeɛ mekɔ ne. Sɛ mangɔ a, bokafoɛ ne ngɔwa ɛmɔ berɛ. Nakoso sɛ mekɔ a, ngɔsoma ye maa ɔkɔwa ɛmɔ berɛ. Na sɛ ɔba a, ɔkɔma wiase ne adanzeɛ bɔ ɔfa bɔne, tenenee, ne atemmuo nwo.

Yeti ɛmɔ koso, kesaalae, ɛmɔ wora abɔ; nakoso ngonwu ɛmɔ bieku maa ɛmɔ ahone kɔtɔ ɛmɔ kunu; ná ɛmɔ anigye ne, ebiala ngole ngofi ɛmɔ sa nu. Na sɔ kyẽa ne, ɛmɔ ngobisa me hwee. Nahorɛ paa bɔ meka mekyire ɛmɔ yeɛ ole kyɛ, nikye biala bɔ ɛmɔ kobisa Baba ne wɔ me dumaa nu ne, ɔkɔfa kɔma ɛmɔ.

Nahorɛ paa bɔ meka mekyire ɛmɔ yeɛ ole kyɛ: Ɛmɔ kosu bɛkɔpɛ awuye, nakoso wiase ne de, bɛ nye kɔgye; ɛmɔ koli aworaborɛ, nakoso ɛmɔ aworaborɛ ne kɔkakyi anigye.