Popular Bible Verses from Yohane 17

Share

Fa nahorɛ ne te bɛ nwo; wɔ dwirɛ ne te nahorɛ.

Sɛ ebie konya daa ngoa a, sana onwu wɔ bɔ ɛte nahorɛ Nyameɛ komapɛ ne, na onwu Yesu Kristo bɔ ɛsomane ye ne koso.

“Menzrɛ memma bɛ ngome, mmom mesrɛ mema bɛ bɔ ɔnate bɛ dwirɛ naso, bɛkole me bɛkoli ne koso, né wamaa bɛ mukoraati bayɛ kõ, kyɛbɔ Baba, ɛwɔ me nu, na me koso nwɔ wɔ nu ne, ná bɛ koso bɛne yɛ ayɛ kõ, kyɛbɔ ɔkɔyɛ a wiase ne kole koli kyɛ wɔ yeɛ ɛsomane me ɔ.

Nná bɔ mesrɛ yeɛ ole kyɛ, ye bɛ fi wiase, mmom ɔbɔnefoɛ nati, mesrɛ wɔ, bɔ bɛ nwo waen.

Anuonyam bɔ ɛfa mane me ne, mafa mama bɛ, na wamaa bayɛ kõ, kyɛbɔ yɛte kõ ne. Nwɔ bɛ nu, na wɔ koso ɛwɔ me nu, ná wamaa bɛ koso bayɛ kõ paa, kyɛbɔ ɔkɔyɛ a wiase ne konwu kyɛ wɔ yeɛ ɛsomane me ɔ, na kyɛbɔ ɛdɔ me ne, sɔ ala yeɛ ɛdɔ bɛ ɔ.