Popular Bible Verses from Luka 24

Share

Na bɔ me Baba hyɛle ye nwo bɔ ne, ngɔsoma ye maa ɔkɔwa ɛmɔ so. Nakoso odikyɛ ɛmɔtena kuro nanu kodwu kyɛ bɛkɔfa tumi bɔ ofi anwuro ne bɛkɔma ɛmɔ.”

Ɔnne wa oo, batingye ye, nnaa ɛmɔkaye edwirɛ bɔ ɔha hyirele ɛmɔ wɔ Galilea ne?

Ɛberɛ yeɛ bɛ nye wale bɛ nwo so maa bɛnwuni sona-horɛ ɔ. Na otu minini. Yeɛ bɛha bɛhyirele bɛ nwo kyɛ: “Mmerɛ bɔ ɔne yɛ bɔ ngɔmmɔ wɔ atee naso, bɔ ne okyirekyire Tworɔnzɛm nanu kyire yɛ ne, yeti wambemo yɛ kaa ala?”

na ɔha hyirele bɛ kyɛ: “Ɛhe yeɛ bɛhworɔle ye kyɛ, odikyɛ Kristo ne nwu amaneɛ, na ye ɛlɛsa so otingye fi ewue nu ne, na bɛkogyina ye dumaa naso bɛkɔha bɛkohyire maen-maen ne kyɛ, bɛsakra b'adwene ma bɛfa bɛ bɔne bɛhyɛ bɛ, ɛhe kɔhyɛ yebo wɔ Yerusalem.

Na bɛnwuni kyɛ baye nyɔboɛ ne bafi asieleɛ ne noa, yeti bɛwurale nu, nakoso bannwu Awurade Yesu fuin ne.