Popular Bible Verses from Luka 4

Share

“Awurade honhom wɔ me so, ofikyɛ wasra me kyɛ, nga nzɛmba ngyire ahiafoɛ. Wasoma me kyɛ, nga ahofadie nwo dwirɛ ngyire bɛ bɔ bafa bɛ nnɔmun, na mma anyesiniwaafoɛ nwu nikye, na mma bɛ bɔ bɛhyɛ bɛ so ne lɛ bɛ nwo, na nga Awurade adom mmerɛ ngyire mmenia.”

Yesu yele ye noa kyɛ: “Bahworɔ kyɛ, ‘Awurade wɔ Nyameɛ ngome yeɛ odikyɛ ɛkoto ye ɔ, na ye ngome yeɛ odikyɛ ɛsõ ye ɔ.’ ”

Yeɛ Yesu ha hyirele ye kyɛ: “Bahworɔ kyɛ, ‘Nná paanoo ngome yeɛ ɔkɔmaa sona kɔtena ase ɔ.’ ”

Na Yesu bɔ honhom krongron awa ye so ne fili Yordan nzue nanwo, na honhom ne fale ye hɔle ɛserɛ so

Yesu mane ye mmuayɛ kyɛ: “Baha kyɛ, ‘Nnɛsɔ Awurade wɔ Nyameɛ nea.’”

Abɔnzam yiele sɔ nzɔhwɛ he amukoraati ne, ɔyakyile ye berɛ oodwuli mmerɛ foforɛ bɔ ɔte pa.

Yeti, Abɔnzam fale Yesu hɔle bokaa tendee bie so, na ɔfale ahennie bɔ ɔwɔ wiase namukoraati hyirele ye. Yeɛ Abɔnzam ha hyirele ye kyɛ: “Ngɔfa tumi he amukoraati ne ye nwo anuonyam ngɔma wɔ, ofikyɛ bafa bama me, na ebiala bɔ mekuro ne, mefa mema ye. Yeti, sɛ ɛbɔ wɔ nu ase sõ me a, ye mukoraati kɔyɛ wɔ deɛ.” Yesu yele ye noa kyɛ: “Bahworɔ kyɛ, ‘Awurade wɔ Nyameɛ ngome yeɛ odikyɛ ɛkoto ye ɔ, na ye ngome yeɛ odikyɛ ɛsõ ye ɔ.’ ”

Afei, ɔfale Yesu hɔle Yerusalem maa oogyinane asɔre awuro né nekaa bɔ ɔwale paa ne, yeɛ ɔha hyirele ye kyɛ: “Sɛ wɔ yeɛ ɛle Nyameɛ awa ne a, to wɔ nwo fi wa to aseɛ nwo dɔ, ofikyɛ bahworɔ kyɛ, ‘Wɔ ti, ɔkɔhyɛ ye abɔfo nemɔ,’ maa ‘bɛkɔbɔ wɔ nwo waen’ na ‘bɛkɔsoa wɔ bɛ sa so, kyɛbɔ ɔkɔyɛ a, wɔ gya ngɔpoli nyɔboɛ ɔ.’ ” Yesu mane ye mmuayɛ kyɛ: “Baha kyɛ, ‘Nnɛsɔ Awurade wɔ Nyameɛ nea.’”