Popular Bible Verses from Luka 8

Share

Na bɔ oguale aseɛ pa so ne, yeɛ ole bɛ bɔ bɛte edwirɛ ne a, bɛfa ahone pa bɛsɔ nu yé, ná bɛfa aboterɛ besu mmaa ne.

Yeɛ bɔ oguale mmowie nu ne yeɛ ole bɛ bɔ bɛte edwirɛ ne, nakoso mmerɛ kɔ so ne, asetena nu dadwene, ahonyadeɛ ne anigye mia bɛ, yeti bɛ mmaa ne ndi.

Bɔ oguale nyɔboɛ so ne yeɛ ole bɛ bɔ bɛte edwirɛ ne a, bɛfa anigye bɛsɔ nu ne. Nakoso ɛhemɔ lle ndii; yeti bedɛ bɛdi mmerɛ kaa, na sɛ beyia nzɔhwɛ a, bɛngora gyina.

Yeɛ ɔha hyirele asuafoɛ nemɔ kyɛ: “Ɛmɔ gyidie ne wɔ nisɔa?” Nakoso esuronyi hane bɛ, na ɔyɛle bɛ nwanwa maa bɛbisale bɛ nwo kyɛ: “Sona beni po ɛhe, bɔ ɔkora dwudwo kyire mvrama ne nzue po maa betie ye ne?”

Bɔ oguale atee noa ne yeɛ ole bɛ bɔ bɛtele edwirɛ ne, ná Abɔnzam wale ɔɔyele edwirɛ ne fili b'ahone nu, kyɛbɔ ɔkɔyɛ a, bɛngole bɛngoli na balɛ́ bɛ ngoa.

Nikye biala nne berɛ bɔ wafea bɔ ye nwo ngɔla berɛ; na nikye fee nne berɛ bɔ bafa basie fee bɔ ongofite ma ebiala ngonwu ye ɔ.

Maame ne nwuni kyɛ banwu ye ne, ɔfale ahopopo buli ndwerɛ wɔ Yesu nyunu hane bɔ ɔmaa ɔfale ye sa hane ye namukoraati, ɔne kyɛbɔ ɛberɛ ala ye nwo tɔle ye ne wɔ mmenia nanu. Yeɛ Yesu ha hyirele ye kyɛ: “Mma brasua, wɔ gyidie amaa wɔ nwo atɔ wɔ, fa asomdwie kɔ.”

Yeti, bɛtingyele ye, na bɛha bɛhyirele ye kyɛ: “Owura, Owura! Yawu yayie oo!” Na odwɔso teɛteane mvrama ne asorɔkye bɔ obu fa so ne, na yenoa hɔle ase, na ɛberɛ yɛle dinn.