Popular Bible Verses from Luka 7

Share

Yeti meka mekyire wɔ kyɛ, ye bɔne pembe ne, bafa bahyɛ ye, ofikyɛ ɔdɔ bɔ wala ye ali ne te piri paa. Nakoso ebiala bɔ bɛfa kaa bɛkyɛ ye ne, ye dɔ te kaa bie.” Yeɛ Yesu ha hyirele braa ne kyɛ: “Bafa wɔ bɔne bahyɛ wɔ.”

Nakoso Yesu ha hyirele maame ne kyɛ: “Wɔ gyidie alɛ́ wɔ ngoa; fa asomdwie kɔ.”

na oogyinane Yesu gya nwo wɔ ye si suni, ɔfale ye nye mmoen ne loale Yesu gya nwo, na ɔfale ye ti nwiaa kyikyile. Afei ɔfele ye gya nanwo na ɔfale ngoo fona-fona ne popale ye nwo.

Ɛhene ati yeɛ mammɔ hɔen mamma wɔ berɛ ne. Mmom ka edwirɛ bie, ná ɔma m'akoaa ne nwo tɔ ye. Ofikyɛ nwura mmeraa bo, na nne sogyafoɛ bɔ bɛwura me bo, na sɛ meka mekyire kõ kyɛ, ‘Kɔ’ a, né wahɔ, sɛ meka mekyire foforɛ kyɛ, ‘Bra’ a, ne wawa.” Yesu tele ɛhe ne, ye nwo yɛle ye nwanwa, na ɔkakyile ye nwo ha hyirele bɛ bɔ bɛli ye si ne kyɛ: “Meka mekyire ɛmɔ kyɛ, Israel po, nnwuni gyidie bɔ ɔte piri sɔa.”

Sɔ mmerɛ nala nu ne, ɔsale mmeni pee anwonyerɛ, né ebiemɔ deɛ nu yɛ se paa, na ne ebiemɔ deɛ nu nyɛ sɛ pa, otuli sunzummɔne na ɔmaa anyesiniwaafoɛ pee nwuni nikye. Yeti ɔha hyirele bɛ kyɛ: “Bɔ ɛmɔ anwu ye, na ɛmɔ ate ne, ɛmɔhɔ bɛɛha ye nwo dwirɛ behyire Yohane kyɛ: Kesaalae de, anyesiniwaafoɛ nwu nikye, bɛ bɔ babubu ne nate, akwatafoɛ nwo te, asotiniwaafoɛ te dwirɛ, awufo dwɔso, na baha nzɛmba ne bahyire ahiafoɛ.