Popular Bible Verses from Luka 6

Share

Ɛmɔhyɛ nikye, na bɛkɔhyɛ ɛmɔ nikye. Bɛkowura kongo ne maa okoyi, ná bamia so, bawoso ye maa wabu wafa ye nwo kora ne bafa bagua ɛmɔ tena nu. Ofikyɛ kongo bɔ ɛmɔfa bɛsusu nikye bɛma mmenia ne, ɛhene ala yeɛ bɛkɔfa bɛkosusu bɛkɔma ɛmɔ ɔ.”

Sona pa de, nningyein pa bɔ waboɔboa ye noa wɔ y'ahone nu ne, ɛhene bie yeɛ ɔye fite ɔ, nakoso nnipa-bɔneniɛ de, nningyein tɛɛ bɔ waboɔboa ye noa wɔ y'ahone nu ne bie, yeɛ ɔye fite ɔ; ofikyɛ bɔ wabu so wɔ ahone nanu ne, yeɛ noa ne ka ɔ.

Nakoso ɛmɔ de, ɛmɔlɔ ɛmɔ atamfo, ɛmɔyɛ bɛ pa, ná ɛmɔbɔ bɛ bosea, bɔ ɛmɔnnea atee kyɛ bɛkɔyɛ bie bɛkosi ɛmɔ gya nu ɔ. Ɛhene yeɛ ɛmɔ akatua kɔyɛ piri, ná ɛmɔ ayɛ Anwuro-Anwuroniɛ ne mmaa; ofikyɛ ɔyɛ boniayɛfoɛ ne abɔnefoɛ mukoraati pa.

Ɛmɔhɔ so bɛnwu mmenia anwunvo, kyɛbɔ ɛmɔ Baba nwu anwunvo nala.

“Afei koso, ɛmɔyakyi atɛn bɔ ɛmɔbu mmenia ne, ná bammu ɛmɔ atɛn; nnɛmɔ dwudwo betia mmenia, na ebiala koso ngodwudwo ngotia ɛmɔ. Ɛmɔfa mmenia bɔne bɛhyɛ bɛ, na bɛkɔfa ɛmɔ deɛ bɛkɔhyɛ ɛmɔ.

“Na meka mekyire ɛmɔ bɔ ɛmɔtie me ne kyɛ: Ɛmɔhɔ so bɛlɔ ɛmɔ atamfo, na ɛmɔyɛ bɛ bɔ bɛkyi ɛmɔ ne pa, ɛmɔhyira bɛ bɔ bɛdome ɛmɔ ne, na ɛmɔbɔ mbaeɛ bɛma bɛ bɔ bɛpɛ ɛmɔ nzoaa ne.

“Afei koso, bɔ ɛmɔpena kyɛ mmenia yɛ ma ɛmɔ ne, ɛmɔyɛ sɔ ala bɛma bɛ.

Sɛ ebie bɔ wɔ so kõ anu a, kakyi kõ ne koso ma ye; na bɔ okole w'atadeɛ bɔ ogua wɔ so ne, fa bɔ owura yebo ne boka so ma ye. Ebiala bɔ ɔkɔsrɛ wɔ nikye ne, ma ye bie, na nikye bɔ okole kofi wɔ berɛ ne, nnedɛ ye kõ.

“Bakaa pa biala nne berɛ bɔ osu mmaa tɛɛ ɔ, na sɔ ala yeɛ bakaa tɛɛ biala nzu mmaa pa.

Bakaa biala mmaa yeɛ ɔmaa bɛnwu bakaa horɛ ɔ. Ebie yeɛ ole kyɛ, bɛnndete borɔdoma wɔ mmowie so, na sɔ ala yeɛ bɛnndete bobe koso wɔ ɛfone so.