Popular Bible Verses from Mateo 12

Share

Na meka mekyire ɛmɔ kyɛ, edwirɛ bɔ mvasoɛ nne so biala bɔ sona kɔha ne, atemmuda ne, okobu ye nwo ngondaa. Ofikyɛ ɛmɔ noa nu dwirɛ yeɛ bɛkogyina so bɛkobu ɛmɔ bem, na ɛmɔ noa nu dwirɛ yeɛ bɛkogyina so bɛkobu ɛmɔ fɔ ɔ.”

Ɛkyerebene mmaa mɔ, ɔkɔyɛ sɛɛ na ɛmɔ ahora baha edwirɛ pa, mmerɛ bɔ ɛmɔte abɔnefoɛ ɔ? Ofikyɛ bɔ wabu so wɔ ebie ahone nu ne, ɛhene yeɛ noa ne ka ɔ.

Sona pa fi nningyein pa bɔ waboɔboa ye noa wɔ y'ahone nu ne da nningyein pa ali; ná nnipa-bɔneniɛ fi nningyein tɛɛ bɔ waboɔboa ye noa nanu da nningyein tɛɛ ali.

Yeti, meka mekyire ɛmɔ kyɛ, bɛkɔfa bɔne ne mmusue dwirɛ biala bɛkɔhyɛ sona, nakoso mmusue dwirɛ bɔ otia honhom ne de, bɛngɔfa bɛngɔhyɛ.

“Sɛ ɛmɔ kɔmaa bakaa ne kɔyɛ bakaa pa, na ye mmaa ne ayɛ pa a, ɛmɔma ɔyɛ; na sɛ ɛmɔ kɔmaa ɔkɔyɛ bakaa tɛɛ, na ye mmaa ne koso ayɛ tɛɛ a, ɛmɔma ɔyɛ. Ofikyɛ bakaa ne mmaa ne yeɛ ɔmaa bɛnwu bakaa horɛ ɔ.