Popular Bible Verses from Mateo 18

Share

Ofikyɛ nekaa biala bɔ mmenia nyɔ anaa nza koyia nu wɔ me dumaa nu ne, né nwɔ berɛ.”

Nahorɛ, mesa meka mekyire ɛmɔ kyɛ, sɛ ɛmɔ nu nyɔ yɛ adwene kõ wɔ aseɛ he aso kyɛ bɛkobisa nikye bie bɔ ye nwo hia a, ɛmɔ Baba bɔ ɔwɔ anwuro ne kɔyɛ kɔma ɛmɔ.

Yeti, Yesu frɛle akwalaa kamba bie, na ɔfale ye gyinane bɛ afia, yeɛ ɔha hyirele bɛ kyɛ: “Nahorɛ, meka mekyire ɛmɔ kyɛ, sɛ ɛmɔ anzakra banyɛ kyɛ akwalaa kamba he a, ɛmɔngɔhɔ anwuro Ahennie nanu lle.

Yeti, ebiala bɔ ɔbrɛ ye nwo ase kyɛ akwalaa he ne, ye yeɛ ɔte piri paa wɔ anwuro Ahennie nanu ɔ.

Na ebiala bɔ okole akwalaa kamba he me dumaa nu ne, wale me koso.

Na nahorɛ dwirɛ bɔ meka mekyire ɛmɔ yeɛ ole kyɛ, bɔ ɛmɔ akyekye ye wɔ aseɛ he aso ne, bakyekye ye wɔ anwuro, na bɔ ɛmɔ asangye ye sɔ aseɛ he aso ne, basangye ye wɔ anwuro.

Sɔ ala yeɛ ɛmɔ koso, sɛ ɛmɔ amvi ɛmɔ ahone nu bamva ɛmɔ mmango mɔ bɔne bangyɛ bɛ a, me Baba bɔ ɔwɔ anwuro ne né ɛmɔ koli.”

Nakoso, ebiala bɔ ɔkɔto ngwalaa mmaa-mmaa bɔ bɛle gyidie wɔ me nu nanu kõ sintidua ne, sɛ bɛfale nyɔboɛ kandinga bɔ bɛfa bɛtĩ hwiit bɛtole ye kɔme bɛgyili ye bɛtole ɛpo nu a, ahaa ɔte pa.

Ɛmɔ adwene yɛ ɛmɔ sɛ? Sɛ ebie le mmoan 100 na bɛ nu kõ mini a, aso ɔngɔyakyi 99 ne wɔ bokaa naso ngɔhɔ ngɔpena kõ bɔ wamini ne?