Popular Bible Verses from Mateo 23

Share

Mmom bɔ ɔte piri wɔ ɛmɔ nu ne, odikyɛ ɔsõ bɛ bɔ baha ne.

Ebiala bɔ ɔkɔma ye nwo so ne, bɛkɔbrɛ ye ase, na ebiala bɔ ɔkɔbrɛ ye nwo ase ne, bɛkɔma ye so.

“Atwerɛfoɛ ne Farisifoɛ, ɛmɔ yaakɔ, nyaatwomfoɛ! Ɛmɔtua ɛmanyire, ɛsaa, ne ngete-ngete nwo taet, nakoso nningyein bɔ ye nwo hia wɔ mmeraa nanu te kyɛ atɛn tenenee, anwunvoin, ne nahorɛ ne de, ɛmɔbu ɛmɔ nye bɛgua so. Sɛ ɛmɔdɛ taet ne a, ongyire kyɛ ɛmɔbu ɛmɔ nye bɛgua bɔ ohia paa naso.

“Atwerɛfoɛ ne Farisifoɛ, ɛmɔ yaakɔ, nyaatwomfoɛ! Ofikyɛ ɛmɔnwunzi kwangoa ne kyɛnzee nwo, nakoso ye kunu de, apoo ne akɔnnɔ-bɔne ayi ye tɛkyɛ.

“O Yerusalem, Yerusalem, wɔ bɔ ɛku adiifoɛ na ɛsi bɛ bɔ bɛsomane bɛ wɔ berɛ ne nyɔboɛ, nea mmerɛ-tende bɔ ne mepena kyɛ meboɔboa wɔ mmaa mɔ noa, kyɛbɔ akɔ taen boɔboa ye mmaa noa wɔ ye ndaa bo ne, nakoso ambene.

Sɔ ala yeɛ ɛmɔ koso, ɛmɔyɛ ɛmɔ nwo teneneefoɛ wɔ mmenia nyunu, nakoso ɛmɔte nyaatwom ne mmeratofoɛ.