Popular Bible Verses from Mateo 5

Share

Sɔ ala yeɛ sɛ bɛsɔ kanea a, bɛmva benwura kɛndɛn bo, mmom bɛfa besie kanea bakaa so, ná wata maa ebiala anwu awuro berɛ. Sɔ ala yeɛ ɛmɔ koso, ɛmɔma ɛmɔ kanea ta wɔ mmenia nyunu, ná banwu ɛmɔ nneyɛɛ pa ne, na bahyɛ ɛmɔ Baba bɔ ɔwɔ anwuro ne anuonyam.

“Ɛmɔte wiase ne kanea. Kuro bɔ ɔla bokaa so ne, ɔngora fea.

Anigye yeɛ ole bɛ bɔ b'ahone nu te ne, ofikyɛ bɛkonwu Nyameɛ.

Anigye yeɛ ole bɛ bɔ tenenee nwo hɔen ne nzuhɔen ku bɛ ne, ofikyɛ bɛ ko koyi.

Nakoso, meka mekyire ɛmɔ kyɛ: Ɛmɔhɔ so bɛlɔ ɛmɔ atamfo, na ɛmɔbɔ mbaeɛ bɛma bɛ bɔ bɛtane ɛmɔ nye ne

“Anigye yeɛ ole bɛ bɔ bɛnwu ye kyɛ behia Nyameɛ akwankyerɛ ne, ofikyɛ bɛ yeɛ anwuro Ahennie ne te bɛ deɛ ɔ.

Anigye yeɛ ole bɛ bɔ bɛboka maa asomdwie ba ne ofikyɛ bɛkɔfrɛ bɛ Nyameɛ mmaa.

Anigye yeɛ ole bɛ bɔ bɛ wora abɔ ne, ofikyɛ bɛkɔkyekye bɛ wora.

Anigye yeɛ ole bɛ bɔ tenenee ti, bɛnwu amaneɛ ne, ofikyɛ anwuro Ahennie ne te bɛ deɛ.”

Anigye yeɛ ole bɛ bɔ bɛnwu mmenia anwunvoin ne, ofikyɛ bɛ koso, bɛkonwu bɛ anwunvo.

“Anigye yeɛ ole ɛmɔ bɔ me ti, mmenia bɔ ɛmɔ alapaa, bɛtane ɛmɔ nye, na bɛpɛ ngondombo bɛka edwirɛ tɛɛ bɛfa ɛmɔ nwo ne. Ɛmɔma ɛmɔ nye gye na ɛmɔli ahurusi, ofikyɛ ɛmɔ akatua bɔ ɔwɔ anwuro ne te piri; sɔ ala yeɛ ne bɛtane adiifoɛ bɔ beli ɛmɔ nyunu ne nye ɔ.

Anigye yeɛ ole anwobraseɛfoɛ, ofikyɛ bɛ yeɛ bekonya aseɛ ne ɔ.

“Ɛmɔte aseɛ he aso ngyee, nakoso, sɛ ngyee fɛɛ fi nu a, ɔkɔyɛ sɛɛ ne wasa wanya ye bieku? Ɔba sɔ a, mvasoɛ biala nne so kõ, sana begyi bɛgua maa mmenia tietia so.

Na kyɛbɔ ɛmɔ Baba bɔ ɔwɔ anwuro ne yɛ ye nikye biala pɛpɛɛpɛ ne, ɛmɔ koso ɛmɔyɛ sɔ ala.”

Ɛmɔ de, sɛ ɛmɔka ‘Yoo’ a, ɛmɔma ɔyɛ yoo, na sɛ ‘Daabi’ koso a, ɔyɛ daabi, ɛhe si ne, bɔ ɛmɔkɔha biala fi ɔbɔnefoɛ ne berɛ.

“Ɛmɔtele kyɛ bɛha bɛhyirele bɛ kyɛ, ‘Anyeɛ si anyeɛ gya nu, na agyee si agyee gya nu.’ Nakoso, meka mekyire ɛmɔ kyɛ: Nnɛmɔ ne ɔbɔnefoɛ pere, sɛ ebie bɔ wɔ so famaa nu a, kakyi bɛen ne ma ye.

Sɛ wɔ nye famaa to wɔ sintidua a, tu, na gyi to. Ofikyɛ ɔte pa kyɛ ɛkɔhwere w'akwaa bie, tra kyɛ ɛkɔto wɔ nipadua mukoraati kɔto Gehenna . Na sɛ wɔ sa famaa to wɔ sintidua a, pɛ, na gyi to. Ofikyɛ ɔte pa kyɛ ɛkɔhwere w'akwaa bie, tra kyɛ ɛkɔto wɔ nipadua namukoraati kɔto Gehenna .