Popular Bible Verses from Marko 2

Share

Yesu tele ɛhe ne, ɔha hyirele bɛ kyɛ: “Bɛ bɔ bɛte apɔ ne, benhia dɔktaniɛ, bɛ bɔ bɛnde apɔ ne yeɛ behia dɔktaniɛ ɔ. Nná ateneneefoɛ ti yeɛ mmale ɔ, mmale kyɛ mebaafrɛ abɔnefoɛ.”

Mmerɛ bɔ Yesu nwuni bɛ gyidie ne, ɔha hyirele bubuaniɛ ne kyɛ: “Mma, bafa wɔ bɔne bahyɛ wɔ.”

Ná Yesu sa ha hyirele bɛ kyɛ: “Sona ti yeɛ bɛyɛle homeda a, na nná homeda ti yeɛ bɛbɔle sona ɔ.

Nakoso mmenia nati, né bennya atee po né bawa nekaa bɔ Yesu wɔ ne, yeti bɛtuli sua naso wɔ Yesu ti afia berɛ, na bɛtuli nu tokuro. Afei bɛdwurale bɛen bɔ bubuaniɛ ne la so ne.

Na bɔ ɔkɔyɛ na ɛmɔ anwu kyɛ, sona Awa ne le tumi wɔ aseɛ he aso kyɛ ɔkora fa bɔne kyɛ nati,” ɔha hyirele bubuaniɛ ne kyɛ: “Meka mekyire wɔ kyɛ, ‘Dwɔso, fa wɔ bɛen, na kɔ w'awuro.’”

Beni yeɛ ɔyɛ mmerɛ ɔ, kyɛ bɛkɔha bɛkohyire bubuaniɛ ne kyɛ, ‘Bafa wɔ bɔne bahyɛ wɔ,’ anaa bɛkɔha kyɛ, ‘Dwɔso, fa wɔ bɛen, na nate’?

Ná ɛberɛ ala odwɔsole fale ye bɛen, na ɔnatele maa ebiala nwuni ye. Edwirɛ ne yɛle bɛ mukoraati nwanwa, na bɛhyɛle Nyameɛ anuonyam kyɛ: “Ɛhe de, yɛnwuni bie lle.”