Popular Bible Verses from Yohana 15

Share

Heni yo ntsili ugo mutsabibu, na henye yo muli mitambi. Vala wo vangikala mugati mwangu iwo vakudita ndongwa nofu ntsolofu, na heni mugati mwawo, iwo vakulela mibawo myolofu, kwasawuli bila heni henye simukuvetsa kudita ndongwa ntsolofu tso an'gana Mulungu.

Mwikalaje mugati mwangu, kota hila na heni fyo ntsingikala mugati mwenyu. Kota hila litambi lya mutsabibu manyi sililihamwe na lisina fyo silifuluche lilele mibawo, ho hihyo na henye simufuluche mudite kota fyo an'gana Mulungu manyi simukikala mugati mwangu.

Manyi mwikale mugati mwangu na ndongwa tsangu tsikale mugati mwenyu, musuche chochive cho mun'gana na henye mukuditilwa.

Siyo henye yo mwanyagwe heni, ila heni yo ntsavahagwe henye, ngavalajitsaje mubite mukadite katsi kota hila fyo an'gana Mulungu, na katsi tso mun'dita tsikale siku tseka, ili chochive cho mukumusuka Dada vangu avapele kota fyo ntsin'gana heni.

Kuduhu munu munya wugano wukomi kota wuno, wa munu kuwutawula wumi wake kwasawuli ya vayage.

Chila litambi mugati mwangu lyo sinambe lilele mibawo, Dada vangu alidumulaga, na lila litambi lyolilelaga mibawo alihenjelaga, ili lilutitse kulela mibawo.

Iyino yo amuli yangu kuta, mwiganaje kota heni fyo ntsivaganile henye.

Ihyo Dada vangu apataga wutsumitso hila henye homukuva mun'dita ndongwa tsangu ntsolofu, kwasawuli ya ihyo henye mukuva vadahitswa vangu.

Ihyo Yesu akavalonjelaje vadahitswa vake kuta, heni yo mutsabibu gwa kweli, na Dada vangu yo mulimi.

Munu yoyuve yo siakikala mugati mwangu, atagwaga kivala na kukala kota litambi. Vanu vakungasaga mitambi ijo na kujitotsa mumoto ili jipye.

Ntsivalonje ndongwa itsi ili muve na wuhechelelo kota wontsinawo heni, na wuhechelelo wenyu wukwile.

Manyi mugadite malajitso gangu, mukikala muwugano wangu, kota hila heni fyo ntsin'dita malajitso ga Dada vangu na kikala muwugano wake.

Amuli yangu yo iyi, mwigane henye kwa henye.

Mukamuve vanu va mu inyi, inyi yika kuvagana kota hila fyo yivaganaga vanu vake. Lechelelo kwasawuli henye simuli vanu va mu inyi, ila heni ntsavahagwe henye kuhuma mu inyi, icho cho chambutso cha vanu va inyi kuvavipila.