Popular Bible Verses from Lukasi 19

Share

Kwasawuli heni Mwana va Munu ntsitsitse kusaka na kukulusa fyo fiyatsile.”

vakavaje vankwimba hino, “Aditilwe wuwuya na Mulungu Mutwa yo ankutsa kwa Litawa lya Muntsajila. Wusichimafu wuli kilanga kwa Mulungu, na wumelemo wuli kilanga ndalahela!”

Yesu akamulonjelaje, “Munyiguno wukuluso wufisile mu nyumba yino, kwasawuli uyu nayo mwana va Ibulahimu.

Ihyo Yesu avaga kufika hono hala, akalolaje kilanga akamulonjelaje, “Tsakayo, wangufitse kwika, kwasawuli munyiguno nguva mujentsi mu nyumba yako.” Ihyo Tsakayo akangufitsaje kwika, akamulibulitsaje Yesu kukaye yake kwa wusangalo.

Lechelelo Tsakayo akimaje na kumulonjela Mutwa, “Lave, heni nguvapela vagayu lifungu limwe mu mafungu gavili ga mali tsangu, na manyi ntsimusukwe munu yoyuve chinu chochive, ngumupilulila mala katayi.”

Iho Mafwalisayo vamwinga wovavaga mwilugu lya vanu vakamulonjelaje Yesu, “Mudahitsi, vang'anulile vadahitswa vako vakatuche!” Yesu akavalonjelaje, “Ntsinguvalonjela hino, manyi vano vakatuche, maganga gakutova chiyove.”