Popular Bible Verses from 1 Korin 1

Share

Ene tau mere yoba yoko meglko, yoba ene bitno ta paikrumedi kanigwa ba God yene ene agle dugo, ene ede suna wigwa i kandre, yoba ye yene bitno podo pamedi prikwa yobamo i God ye agai goglsre, bitno ta paikrumedi kanaiglmedi erukwa. Te, ene tau mere yoba ene yobuglno ta paikrumedi kanigwa ba God yene ene agle di i suna edumara i mina yoba ye yene yobuglno pamedi prikwa yobamo i agai goglsre, yobuglno ta paikrumedi kanaiglmedi erukwa.

Ana Jisas nono ere inagledi ede prak mina goglkwa ka i, no yoba di te wan munga ba yoba tau, ye doga kade domara enamnedi ere meglkwa i ye prisre, no bitno ta paikrukwa, du ere, ka i di norimedi prikwa. Yoba tau i, yegl prikwa ba God nono ta ere yugwa, ede heven ibo enamga munga i, nono pre pogl sumga. God yobuglo ersre, yoba ere yugwa i, ye Jisas ede prak mina goglkwa kamo swara i mina, yoba ere yugwa pre ka swara i podo pamiwe di, yegl pre pogl sumga.

Jisas ede prak mina goglkwa kamo i, yoba tau yene nomano podo pamedi prikwa i prisre, ka i mem wakai ta paikrumedi prikwa, ba i ta manugwa. God ye Jisas kamo swara i mina yoba i egre atne edidre, God swara nomanemo podo paugwa i, i nogugl edugwa. Te, yoba tau yene yobuglno podo pamedi prikwa i, Jisas kamo i, yobuglomo ta paikrumedi prikwa. Ba ka swara i mina God swara yobuglomo podo pamedi i nogugl edidre, yoba yobuglno ta paikrumedi i nogugl edugwa.

God ene yoba du meglmedi kanabuka i, ye ege ege ka dumara adigl moglkwa pre ye dumere kaima yegl erabuka. Te, God ama yene ere mogl, ene ye Wam Jisas bogl swara kaima moraiglmedi agle dugo, ene Krais Jisas, nono Yaglno Kade i bogl u swara pi, swara kaima mogl kodigwa.

Agrama abarama wagle, na erme Jisas Krais, nono Yaglno Kade moglkwa i dra idre, ene ka giglede di tenaglka. Ene kigl nonga didre, mogl pere pere edigwa i kide kodo, nomano ya deno muduno swara kaima yeio.

Ana nono pre pogl sinamga. Makandigle yoba nono ye bitno podo pamedi kamga mo sule podo dimedi kamga mo ka kaugo wakai kaima simedi kamga i, i taragl yoko kaima yogwa. God ye yoba togl meda meglkwa i bitno ta paikrumedi i nogugl ede kodugwa.