Popular Bible Verses from 1 Jon 2

Share

Makandigle yoba mabunono i ya bona ganano i, wakai kankrio! Yoba taragl yegl ta wakai kanabuka i, ye dem muduo God ta tekrukwa paugwa. I siragl pre yoba mabuno kide deno muduno mina pogglau boglko, eramnedi prisre, taragl kane kane bubuno gogl, yene kagno ake mitna ede, yoba kan atne edidre, erikwa i, makadigle mabunono yegl paugwa ba Neno Kade ta tekrukwa.

Mabunono i yoba gun yei teigwa ba mabunono i dumo makan bogl akie dudinabrika magigl erukwa. Dudunabuka ba yoba ta God prumere erabuka i, ye aimadi kamin God bogl si dakagl morabrika.

nono Jisas ebrie mabuno erumere yegl erumun, nono ye bogl si dakagl muniwedi kanamga.

Na gagrama wagle, ene tadaglme ta ere dinaiglkwa pre ka i boglka. Ba ene tadaglme ta eribi, Jisas Neno Kade moglmara moglsre, no kano di moglmiwedi prio. Jisas Krais ye mabuno du keme erukwa yagle moglkwa.

Yoba ta Krais pre kan eriwe dinabuka ba ye mabuno erio dugwa i duglo boglkran, yoba i ka kibi dugwa. Te, ka kaima i, yoba i moglmara ta paikrukwa.

Ana Krais erio dumere i ta ere mun, nono ye kaima pre kan erumnedi kanamga.

Ana yoba ta abuglage sumara wan mole didre, ye agigle ta kide kanan, ye abuglage sumara wan moglkrukwa ba mim erumara wan mogl pai moglkwa.

Ana ka mabuno kibi dime dumga i, yoba ta ere mogl, Jisas moglkwa i, God Kere Yugwa Yagl ta moglkrume dinbauka i, ye ka kibi dugwa yagle moglkwa. Te, yoba i Krais kudamo ikne ta moglkwa. I siragl pre ye God Nem ya God Wam suo akie moko togwa.

Te, yoba ta God Wam moko tenabuka i, God Nem ye moglmara mogl tekrukwa. Ba yoba ta ye God Kere Yugwa Yagl moglmedi prabuka i, God Nem ama yoba i moglmara mogl togwa.