Popular Bible Verses from 1 Tesalonaika 3

Share

Te, no ama kamage erumga i, Yaglno Kade ene ake ple di tenan, ene pre mediglkwa yoba ikne ikne deno muduno tedre, yoba mudu ama deno muduno tenaiglkwa mabuno i, ene meglmara kau kaima sinabedi kamage erumga. No ene deno muduno podo kaima tomnere yegl, ene ama deno muduno podo ikne ikne tedre, yoba meda meglkwa i ama tedre, eraiglmedi pre kamage erumga.

No ene pre kamage yegl mere ersre, te, Yaglno Kade ene deno muduno si gigle di tenan, ene adigl gigledi mogl ebi, nono Yaglno Kade Jisas ede ikne unabedi kamage erumga. Na diga i, ene yegl mere adigl gigledi mogl ebi, Yaglno Kade Jisas ye yobama mudu bogl akie unaiglkwa igne, ene Neno Kade God gumuglo mina adigl meglbi, God ene mabunono kandre, Yoba i mabuno du erikwa pamiwa. Aglauno ta paikrumiwe dinabuka pre kamage erumga.

Timoti ka wakai yegl di norukwa pre no ye bogl akie gun yomga. No kogon erumnara i, yoba ege mere ere kide ere noriko, no yubun podo imga pre kide pramga ba ene Yaglno Kade pre mediglmara adigl gigledi meglkwa i pre no deno muduno aragan eruko, no aglke kor gun yedre, erme wakai kaima muniwedi prumga.