Popular Bible Verses from 1 Tesalonaika 5

Share

Ene gun ege ege yedre, kamage ege ege ersre, ege kide mo ege wakai yenabuka igne ama God di wakai yei te pai molo. I siragl pre ene Krais Jisas yobama meglkwa i, God ene mabuno yegl eraiglmedi prukwa.

Agrama abarama wagle, na ene pre kamage erika i, nono deno muduno wida di padigl norukwa God i, ene yobuglo bogl tenan, ene mabuno du keme ersre, yoba du moraiglmedi kamage erika. Na yegl mere kamage ersre, ama ene deno muduno mina ya kiano mina ya ogono nagino mina aglau ta erekre, mabuno wakai duglo bogl meglbi, Jisas ede ikne unabedi kamage erika. God ye ene mabuno du boraiglmedi agle dugwa yagl moglkwa i, ye nono ake ple di noragle dugwa i, ka dumara ege ege adigl moglkwa pre ye swara ene mabuno du eraiglmedi ere tenabuka.

Yoba ta ene ere kide ere tebi, ene mabuno kide ta ere ikne ede tekrio. Ene mabuno ta eribi, agroma abaroma tau wakai moraiglkwa i, ene mabuno i keme ere ikne ikne edidre, yoba meda meglkwa i ama mabuno yegl ere teo.

Ana nono mudu Yaglno Kade bogl aimadi kamin kor moramga ka i, ene poglo di prisre, ikne ikne deno muduno si gigledi tedre, agroma abaroma yakenaiglmedi erio. Na prika, ene erme mabuno i ere meglmedi prika ba ene ege ege ere pai moglsre, mabuno i mina yake pai moraiglkwa pre diga.

Agroma abaroma wagle, ene mabuno tau ama eraiglmedi prumga i, yegl paugwa, yoba tau kogon erakiure, yoko meglkwa i, ene ka teo. Te, yoba tau ye pre mediglkwa gigle dikrukwa i, ene si gigle di tedre, yoba tau deno muduno mina yobuglo paikrukwa i ama si gigle di teo. Te, ene yoba swara ta deno tabre kubro tekrio.

Ana God okuo yoba ere sinabuka igne i ye nono ere inan, nono ama suna mogl, yubun ikramga i, nogugl paugwa. I siragl pre God nono ka tage noragledi di padiglkrukwa ba nono Yaglno Kade Jisas Krais kogon erumara i mina ye ka ta di paduglkwa i, Na yobanama ere ibo, ye yubun ama i dinaiglmiwe di, ka yegl di padigl kodugwa.

Ene pre mediglkwa yoba meglkwa i, abuglage sumara moglsre, ermine wan meglkwa mere yegl paugwa. Nono mim erumara moglsre, eduer wan munga yoba ta moglkrumga pre