Popular Bible Verses from Ibru 10

Share

Ana pre mediglkwa yoba tau ye yene akie makai sinaiglkwa i, kide kodigwa ba nono mabuno yegl ta erekramga paugwa. Nono akie makai sinamga paugwa. Te, Yaglno Kade ede ikne unabuka magigl erukwa pre nono kogon podo ersre, deno muduno ikne ikne si gigle di tenamga.

Te, nono siragl mere agrama abarama wagle wakai kandre, mabuno wakai boramga i, nono wakai ere kinano gudu prisre, ka di pre eramga paugwa.

Nono God ka kaima taragl wakai wakai noragle dume dumga i, nono ka i kide kodokre, ake gi di moramga paugwa. I siragl pre God promis ta erabuka i, ye erabuka keme paugwa.

Ene kaima adigl gigledi moraiglkwa paugwa. I siragl pre God ene ta eraiglmedi prumere yegl, ene eribi, ye taragl wakai wakai ene tenagledi promis di te paduglkwa i, ene inaiglkwa.

Yegl pre nono deno muduno mina kaima prisre, Jisas ka kaima pre medigl mogl, ede God moglmara magigl enamga paugwa. I siragl pre nono mabunono kide dudumedi praiglmedi Jisas yene bormaimo nono mina si plai sidre, God gumuglo mina nono deglbi yei dinaiglmedi nigl wakai kaima ta mina nono nigl pai norukwa mere yegl paugwa.

Ana okna ene mabuno yegl ersre, adigl gigledi meglkwa pre erme yoba ene ere kide ta ere tebi, ene pre mediglkwa i kide kodokre, God no ere wakai ere norabukra we di pre pai molo. I siragl pre ene yegl pre pai meglbi, ene topo podo okuo inaiglkwa.

I siragl pre nono Krais kamo kaima paugwa i, pre kan ere kodo, mane di tedre, tadaglme ere pai mun, nono tadaglmeno tawamo tenamga i, swara ta yeikrabuka. Yeikran, God no sinabukra we di prisre, kudugl goramga paugwa. Te, God kubrisre, ye kudamo ikne doga mina si garabere mere yegl, nono ama ka tage norabiwe di prisre, kudugl gogl moramga paugwa.