Popular Bible Verses from Jems 4

Share

Yegl pre ene God moglmara mogl atne edidre, yagl kide bakagl noro dinabedi adigl gigledi molo! Ene yegl eribi, yagl kide ene meglmara kide kodo, teke ede enabuka.

Ene God moglmara mogl magigl edio! Ene God moglmara mogl magigl edibi, ye ama ene meglmara mogl magigl edenabuka. Yoba ogono nigl edimere yegl, ene tadaglme erikwa i, i pi kide kodio! Te, ene yoba ta nomano suo yenabuka i, nomano kide, i pi kide kodibi, deno muduno pe sinabuka.

Ene yegl ersre, Yaglno Kade moglmara mogl atne edibi, yene ere mogl, ene ake mitna edenabuka.

Ana nono ege mere nomane kide imga ba God mitno podo goglsre, ake ple di noragledi prukwa. Mabuno i pre ye kamo mina bage ta yegl dugwa, Yoba ta mogl mitna edenabuka i, God ye ake atne edenabuka ba yoba ta mogl atne edenabuka i, God ye ere wakai ere tenabiwe dugwa.

Ana yoba ta mabuno wakai swara ta erabuka panan, ye pre kan ersre, mabuno wakai i ta erekran, ye tadaglme erukwa.

Te, ege tau ene God agle di prikwa ba ye ene di primere mere ere tekrukwa. I siragl pre ene nomane wakai idre, taragl wakai pre God agle di prikrikwa ba ene erme keme gun yenamnedi prisre, God agle di prikwa pre ye ene dimere ere tekrukwa.

Ana ene mabuno yegl erikwa i, ene kide erikwa. Ene abu ta bogl kunogl neigwa mere yegl paugwa. Ene prio! Makandigle yoba ebrie mabunono i, yoba ta wakai kanan, ye God kudamo ikne mere yegl moglkwa.

Ene yegl digwa ba taragl ta tagna plau dinabuka i, ene ta pre kan erekrikwa. Tagna mogl kamun kua sugwa ba ade sugwa igne, kamun kua pigla baglmere yegl, ene ama ege sugunagle moglsre, goraiglkwa. Ene aunake goraiglkwa i ta prikrikwa.