Popular Bible Verses from Jon 17

Share

Enene kanen kaima paugwa. Kanen kaima i mina ye ene pre moraiglmedi i pere edo dugwa.

Te, yoba aimadi kamun kor moraiglkwa i, mem yegl paugwa, ene swara God kaima motnga i, pre kan ersre, na Jisas Krais, ene dedinga i, ama pre kan eraiglkwa mem yegl pamiwe dugwa.

Ana Jisas kamage yegl ere kodidre, ama yegl dugwa, Na duglo beglkwa yoba magigl meglkwa i keme pre kamage erekrika ba na kana dibi, yoba ira ta pre medraiglkwa i pre ama kamage erika. Nina yo, na ye pre kamage erika i, nono swara kaima muglere yegl mere ye ama swara yegl moraiglmedi prika. Na ene motnara suna moglko, ene na moglmara suna motnga. Ye nono muglara suna meglbi, makandigle yoba kandre, ene na dedumedi pre medraiglmedi priwe dugwa.

Na ye pre ene agle di prika i, ene ye makandigle mogl dinaiglmedi i pi dumo bage ta edinatnga pre ta dikrika ba ene ye suglno motn, yagl kide ere kide ere te dinabuka pre diga.

Nono swara muglere yegl, ye swara kaima moraiglmedi prika. Prisre, na kagna kade natnga i, ye ama teiga. Te, ene na moglmara suna motngo, na ye meglmara suna moglka i, ye swara kaima moraiglkwa pre erubuglka. Ye swara kaima meglbi, makandigle yoba kandre, ene na dedinedi pre medraiglkwa. Te, ene den mudun nare, na dedingo wimere i, makadigle yoba ama ene den mudun na duglo beglkwa yoba teniwe di praiglmedi priwe dugwa.