Popular Bible Verses from Jon 16

Share

Na ka erme di teiga i, mudu ene na mina si dakagl moglsre, deno muduno wida di inaiglkwa pre diga. Ene makandigle moraiglmara i, yoba yubun kane kane tenaiglkwa ba ene gun yeio! Na makandigle yoba yobuglo ere te kodiwe di, Jisas yegl dugwa.

Kuno erekrabuka ba God Murubuglomo, ka kaima mabuno i nogugl edugwa Murubuglo ikra unan, ene mem kaima mudu pre pogl sinaiglmedi erabuka. I siragl pre ye yene prumere ta dikrabuka ba na Nina dugo, prumere i keme didre, taragl okuo plau dinabuka i ene di tenabuka.

Okna ede u erme ugwa i, ene na kagna mina taragl swara ta inamnedi agle di prikrikwa. Ba erme agle di pribi, inaiglkwa. Ene ibi, gun mabuno i, ene meglmara si kau si tenabiwe di, Jisas yegl dugwa.

Yubun di prikwa ba na ene ka kaima di teiga, na enaglmara i pre ene mina wakai panabuka. Na ta pikribo, Ake Ple Yoba ene meglmara ta ukrabuka ba na ede ebo, ene meglmara unabedi dedenaluwe di, yegl dugwa. Ana God Murubuglomo unabe diga i, unabuka igne, yoba mabuno suota pre pogl sinaiglmedi i nogugl ede tenabuka. Ye tadaglme mabuno ya te, yoba du moraiglkwa i ya te, God kotmo unabere i, i nogugl ede tenabuka.

Okuo kuri ta mogl, gun podo yomere mere yegl, ene deno muduno erme yubun dogwa ba na aglke kor dagl ene kanaglka igne, ene deno muduno mina gun podo yenaiglkwa. Te, ene gun yenaiglkwa i, yoba swara ta i eglke edekrabiwa. Ege okuo i, ene ka kira swara ta na pogl prikraiglkwa ba ene na kagna mina ka siragl mere na Nina di praiglkwa i, ye ene dinaiglmere ere tenabuka. I ka kaima diga.

Na erme ene ka kaima ta di tenaglka i, Ene kai ersre, mitna podo goraiglkwa ba makandigle yoba gun yenaiglkwa. Ene deno muduno yubun denabuka ba okuo ene gun podo kaima yenaiglkwa.