Popular Bible Verses from Luk 14

Share

Yoba ta na moglmara udre, na duglo boglkwa yoba ta moragledi pran, ye nem mam morabrika mo, ebie gagiglma moraiglkwa mo, agiglema abaugloma moraiglkwa i, ye mudu wakai kankre, na swara wakai kanaiglkwa paugwa. Te, yene ama kor wakai moragledi pran, ye na duglo boglkwa yoba ta moglkrabuka.

Te, yoba ta na pre gorakiure, ye ede prak ta tebi, kakekragledi mane di pran, ye ama na duglo boglkwa yoba ta moglkrabiwe dugwa.

I siragl pre yoba ta yene mogl mitna edenabuka i, God ye ake atne edenabuka. Ba yoba ta yene mogl atne edenabuka i, God ye ake mitna edenabiwe dugwa.

Kuno yegl mere yoba ta ye taraglmo mudu moko tenabuka i keme na duglo borabuka kuno erabuka pre ene ama wakai ere kinano gudu prisre, na duglo bolo di, Jisas yegl dugwa.

Jisas yegl didre, ama yegl dugwa, Yagl ta yugu podo kide kaima ta kenagledi pran, ye komono kana wakai ere kina gudu prisre, yugu siragl mere kei kodinabere mere mige moni kuno yomo mo di, pre yubu sinabuka. Kowai na ta kei kodokre, ikne keme ta keibo, Yoba i kogon ere kodinabuka kere dikrumiwe di, na gauglna ere dinaiglmedi pre epigl sinabuka paugwa.

Ba ene kaya mokna podo kenatnga igne, yoba goduglme meglkwa ya yoba kide sigwa ya ogono kaglno kide erukwa ya gumuglno kin yogwa ya ki di gaglo. Ye ta te ikne edekraiglkwa meglkwa pre God gumuglo mina yoba du meglkwa adraiglkwa igne, God yene topo tenan, ene gun podo yenatnga pre diwe di, Jisas yegl dugwa.

Ana Jisas ta ama yegl dugwa, Mudi yogwa i, taragl wakai yogwa. Ba mudi kuglomo ta dudinan, ene siragl mere kuglomo ere ikne edinaiglme? Mudi yegl mere kogonmo okuo ta paikrabuka pre yoba idre, kau de bogl i swara edidre, makan nuglo tenamnedi eraiglkwa i, kuno ta erekrabuka. Ye pia si meda edenaiglkwa keme paugwa. Yoba ta nomane inagledi pran, na ka diga i, ye wakai ere kina gudu prabuka pamiwe di, Jisas yegl dugwa.