Popular Bible Verses from Luk 15

Share

Yegl prisre, ye ede ikne nem moglmara enagledi ede ome dugwa. Ana wam ikra ede ikne nem moglmara enagledi ede ogwa. Ye nem kipamara ede magigl ogo, nem kan eglke iro ede, wam i ugo, kandre, mirie gogl, muku di ede pi ye wam umara pidre, kogl kare di, nugu kugro, pauna si nogwa.

I siragl pre na wana i, goglmedi prika ba adigl u kor ogwa mere yegl paugwa. Te, ye wau boglkwa ba erme aglke ede ikne umiwe dugwa. Yegl dugo, niglmo kogonmo yoba bogl akie makai si, kaya mokna kei, gun yemiwe di, Jisas yegl dugwa.

Kuno yegl mere tadaglme yoba swara ta nomane yake tenan, God ye angeloma bogl gun podo yenaiglkwa. Ye yoba 99-pela ta yoba du mogl kodigwa i pre gun kebra yenaiglkwa ba tadaglme yoba swara ta nomane yake tenan, gun podo kide yenaiglmiwe dugwa.

Yegl prisre, ye, Na ede ikne nina moglmara pidre, na yegl dinaluwedi prukwa, Nina yo, erme God gumuglo mina ya ene gumugln mina na tadaglme eriwa.

Yegl eruko, wam ye nem di tedre, Nina yo, na God gumuglo mina ya ene gumugln mina tadaglme erika pre ene erme Na wana we dinatnga i, kuno ta erekrumiwe di, yegl dugwa.

Yagl ta sipsip 100 kurabuka ba sipsip swara ta wau boran, ye siragl erabe? dugwa. Ye sipsip 99-pela yoko moraiglkwa i kanige ersre, swara ta wau boglkwa i, dokinabuka.