Popular Bible Verses from Mak 14

Share

yegl dugwa, Nina yo, ene siragl ta eragledi pitnga i, eratnga keme paugwa. Konbauna ta yenan, na nigl kide kogl nenaglka i, i eglke ede naratnedi prika. Ba na nana primere ta erekraglka. Ene pitnere eraluwe dugwa.

Yagl kide ene kinano si dinabedi kor mogl, kamage ere, ugl paikrio. Ene nomano mina wakai eramnedi prikwa ba ene ogono nagino mina yobuglno paikrumiwe dugwa.

Te, na ene kaima di teiga, yoba ta na kana wakai i pi uglo koglo koglo dinaiglmara i, ye abu i erumere i ama yoba boglo kugl tebi, poglo di praiglmiwe dugwa.

Yegl eruko, ye yagl suota i yegl di togwa, Na dena mudna yubun podo dogo, na goraglka mere yegl paugwa. Ene magigl i ugl paikre, sugl kan molo! dugwa.

Ana Jisas duglo beglkwa yagl bogl kaya mokna ne meglko, Jisas bret ta idre, God di wakai yei te, bret i ake buko dugwa. Ake buko di, ye swara swarade nenaiglmedi tedre, yegl dugwa, Bret i idre, neo. I na nagna mere yegl yomiwe dugwa.

Ana Jisas kap ta wain nuglo atne moglkwa ama idre, ye duglo beglkwa yoba nenaiglmedi tedre, ye mudu neigwa. Neigo, Jisas yegl dugwa, Wain nuglo i, na bormaina mere yegl yomiwe dugwa. Na bormaina God kontrakmo ikra pre teiga. Bormai i yoba mere kide pre yage meda sumiwa.

Eigo, Jisas ye duglo beglkwa yagl yegl di togwa, Erme eduer ene mudu mokono nare, ede pere pere enaiglkwa. Ebi, God kamo okna beglkwa i, kaima plau dinabuka. God kamo bage i yegl dugwa, Na sipsip sugl moglkwa yagl i sibo, sipsip mudu ede pere pere enaiglmiwe di, God kamo yegl dume dugwa. Yegl dugwa pre ene mudu na kide kodo, teke ede pere pere enaiglmiwe dugwa.

Ene adigl ede wio. Yagl ta na i pi kudana ikne ogono mina yenabuka i, uma, kanio dugwa.

Yegl dugo, Jisas ye di te, yegl dugwa, Na ene kaima di teiga, erme eduer koduagle kumugl wi ege suo ta sikran, ege suota na ye ta kankriwe dinatniwe dugwa.