Popular Bible Verses from Mak 13

Share

Te, ene na duglo beglmedi yoba mudu ene kide kanaiglkwa. Ba yoba ta ibun idre, adigl gigledi mogl enan, ege kide i dudinan, God ye ere inabiwe dugwa.

Kuno yegl mere na aunake unaglka i, ene pre kan erekrikwa pre kwi ere molo! dugwa.

Ene i pi kot wagle edenaiglkwa igne, ene ka siragl mere kot mina di ikne ede tenaiglkwa i pre, pre yubun dekrio. Pre yubun dekre, God ka siragl mere ene di tenaiglmere mere igne i, ene tenabuka. Tenan, dinaiglkwa igne, ene digwa mere yegl ta paikrabuka ba Mudu Murubuglo ene drano mina ka dugwa mere yegl panabiwe dugwa.

Kamun mitna ibo ya dumo makan dudunabuka ba na kana ta dudukre, aimadi kamun pai morabiwe dugwa.

Jisas yegl didre, ama yegl dugwa, Na aunake igne unaglka i, ade kwia mo ege i, yoba ta pre kan erekrikwa. Yoba ta pre kan erekriko, angelo heven ibo meglkwa i pre kan erekriko, te na God Wam moglka i ama pre kan erekrika. Na Nina swara ege i pre kan erukwa.

Te, yoba tau kuda beglme dibi, prisre, kuda yegl yegl plau dinarume dibi, ene ama praiglkwa ba ene kudugl goglkrio. I siragl pre taragl yegl mudu plau dinaiglkwa paugwa ba taragl pra pra dudunabuka ege i, okuo kaima unabuka.

Kuno yegl mere ene ama sugl molo! Ene yugu nem aunake unabuka i, ene prikrikwa. Ye min panan unabo mo eduer suna unabo mo koduagle wi sinan unabo mo, tagna mogl unabo mo i, ene prikrikwa pre ene sugl moglkre, ugl pai meglbi, ye tabre u ene ugl pai moraiglkwa i kanan, i kide panabiwa. Na ene sugl molo diga i, ene na ka diga pre meglkwa i pre didre, yoba mudu pre diwe di, Jisas yegl dugwa.

Kantri ikne ikne kuda beglbi, te, king ikne ikne ama kuda boraiglkwa. Imem podo podo unan, bage tau kidan podo kaima panaiglkwa. Taragl yegl mere mudu plau dinaiglkwa i, abu ta gak kuragledi mabuno bogl gagie giugl prumere mere yegl mere panabuka.

Yoba na kana wakai yogwa i komono kana di tebi, yoba yugobuno pere pere uglo koglo koglo meglkwa i pribi, taragl mudu dudunabuka ege ikra okuo plau dinabuka.

I siragl pre yoba tau mere na kagna mina udre, Na Krais moliwe didre, yoba mere bakagl tenaiglkwa.

Te, ene yoba pre kan kun erio! Ye ene si kane sidre, kot ere tedre, ka mabuno yuguno yenabara ene duglnai sinaiglkwa. Yegl ersre, ene na duglo beglmedi ene gudu i pi king ya gavana moraiglmara edenaiglkwa. Edibi, na kana yoba kade wagle ya yugobuno pere pere ta moraiglkwa i, ama di tenaiglkwa.

I siragl pre yoba ka kibi didre, Krais muniwe dinaiglkwa i, mere unaiglkwa. Te, ka kep yoba kibi meglkwa i, mere udre, kimagl ya diu podo ere, yoba bakagl tenaiglkwa. Te, ta kuno eran, God yoba ta kere i pere edugwa meglkwa i, ama bakagl tenaiglkwa.

Ana Jisas yegl didre, ama yegl dugwa, Yubun podo kide yegl unan, mokomugl i ade ake mim eran, ba ama abuglage sikrabiwa. Kugl kuri paigwa i, yage makadigle sibi, taragl tau heven ibo giglede paigwa i, ama piga kar dinaiglmiwe dugwa.