Popular Bible Verses from Ka Di Poglkwa 9

Share

Ana yubun yegl mere plau didre, dudugo, yoba makandigle kor mogl pai meglkwa i, ye nomano yake tekre, murubuglo kide ya taragl kwiano, yoba ye ogono mina bekigwa i kagno kade te pai meglkwa. Ye taragl gol ya silva ya bras mina bekidre, ede kobuglo mina bekigwa i, gumuglno mina taragl swara ta kankre, kinano mina taragl swara ta prikre, konbauna ama wan kankrikwa ba yoba taragl i kagno kade te pai moglsre, ama yoba pere si gogl pai meglkwa. Ye taragl yegl mere ere pai moglsre, kumugl abai ya yagl abu ta bogl kunogl nedre, kumo giai ersre, yoba pere taraglno kunogl neigwa i, kide kodo, nomano yake tekre, ere pai meglkwa.

Ana ede inge podo erumara suna i, taragl tau mogode mere yegl meglkwa, ede inge bogl akie ede egli udre, yage makandigle si, ake wai digo, na kaniga. Taragl i, God ye toki kide yoba simere mere yegl ye yoba giugl kaiglbi, giugl praiglmedi yobuglo togwa. God ye yobuglo yegl tedre, ama ye di te, yegl dugwa, Ene kugl kan makandigle paigwa mo ede swara ta ere kide erekrio. Yoba ta na muno gane mabro mina padigl tekrika i keme ene ere kide ere tenaiglmiwe dugwa.

Ana angelo namba 5 ye biugelmo pu dugo, biugelmo be dugwa igne, angelo ta okna kugl kuri mere yegl heven ibo pai, yage atne makandigle sugwa i, kaniga. Ana angelo i moglko, God ere mogl, ye ki ta togwa. Ki i, makan mur ta yei ede atne ime ogwa i, yaurnabuka pre togwa.

Ene yoba ta si goglkraiglkwa ba ene ba 5-pela mere yoba giugl kagl wan meglbi, yoba giugl podo praiglmiwe di, yegl dugwa. Toki kide ta yoba giugl kaiglko, ye giugl primere mere yegl, taragl mogode mere yegl meglkwa i yoba giugl kaiglbi, ye giugl yegl mere praiglkwa paugwa.

Te, taragl mogode mere meglkwa i, ye kingno ta moglkwa. Kingno i, angelo kide ta mur mina atne ime mogl, ede meda ugwa ikra, moglkwa. Ye kagie ka Hibru mina Abadon we digo, ka Grik mina Apolion we dumga.