Popular Bible Verses from Ka Di Poglkwa 10

Share

God kagie mina ka gigledi yegl dugwa, God ye sugl kanana moglkwa i, dudumiwa. Angelo namba 7 ye kuri ta mogl, biugelmo pu dinan, God ye siragl mere eragledi prukwa i, kaima plau dinabe dugwa. God ye eragledi prukwa i, okna ye niglmo kogonmo yoba tau ye kamo kep yoba ta meglkwa i keme di togwa ba biugel i boran, God siragl mere eragledi prukwa i, plau di, ede u nogugl pi kodinabiwe di, yegl dugwa. Ye God kagie mina yegl dume diga i, God kor aimadi moglsre, kamun mitna ya dumo makan ya mudi nigl ere yogwa yaglmo moglkwa i kagie mina dugwa pre diga. Te, ye taragl kane kane kamun mitna ya dumo makan mina ya mudi nigl atne meglkwa ya paigwa i, ye ere yogwa yagl moglkwa i, kagie mina dugwa pre diga.

Ana na neigo, yoba ta di nariko, prika i, Ene God kamo aglke kor kep ere, bogl atne edin, yoba kantri pere pere ya yugobuno pere pere meglkwa i ya, ka pere pere digwa i ya te, ye kingno meglkwa i, i mudu pre ka kep ere dinatniwe, di, yegl di narikwa.

Ana na taragl yegl mere kan kodidre, ama ta kaniga i, angelo gigledi kaima ta ama moglkwa i, heven ibo mogl, ede atne ugo, na kaniga. Angelo i, ye kamun kua kruo were moglko, te ye bre mina titokubun tebe boglkwa. Te, ye guma dra ade abuglage sumere mere yegl abuglage sugo, ye kagle koglo koglo i, doga drabie ede mitna ugwa mere yegl kaniga.

Yegl dugwa pre na angelo i moglmara pidre, Buk kebra i, naro diga. Na yegl digo, angelo i di ikne ede narsre, yegl dugwa, Ene buk i, idre, no! dugwa. Ene nen, dran mina brume nuglo druo erumere yegl erabuka ba den biglko mina giu erabiwe di, yegl dugwa. Yegl dugo, na buk kebra i idre, neiga. Na neiga igne, kaima drana mina brume nuglo mere yegl druo erukwa ba na ne atne edigo, dena biglko mina giu erukwa.